Кыра дохуоттаах дьон бааҥҥа социальнай уурунуу арыйыахтарын сөп
10.07.2024, 20:00
![](https://sakha-sire.ru/wp-content/uploads/2024/03/screenshot_20240309-160002__01__01.jpg)
Хаартыска -- Мария Васильева / СИА
Бөлөххө киир:
Госдуума кыра дохуоттаах дьон бааҥҥа уурунуу харчыларыгар социальнай кылааттары арыйалларын көҥүллүүр сокуон барылын иккис, үһүс ааҕыытыгар ылынна. Бу туһунан Арассыыйа Баана иһитиннэрэр.
Баан социальнай кылаатын муҥутуур үрдүк суумата — 50 тыһыынча солкуобай. 1 сылга болдьохтоон арыйаллар, кэлин уһатыахтарын сөп. Бырыһыана атыттардааҕар үрдүк буолуохтаах. Хаһан баҕарар эбии харчыны угуохха да, устуохха да сөп, ол онтон бырыһыана кыччаабат.
Бааннар социальнай кылааты арыйалларыгар, өҥөнү оҥороллоругар уонна биир ыйга 20 тыһыынча солкуобайга диэри харчыны атын счекка ыытарга төлөбүрү ылыа суохтаахтар.
Дуогабары «Госуслуги» портал нөҥүө түһэрсиэххэ сөп. Баан бу киһи судаарыстыбаттан социальнай көмөнү ыларын онно бэрэбиэркэлиир.
+1
+1
1
+1
+1
+1
+1
+1
Сообщить об опечатке
Текст, который будет отправлен нашим редакторам: