Кыра оҕолоох эр киһини быыһаатылар

Бэҕэһээ, бэс ыйын 10  күнүгэр, Нерюнгри куоракка  15 чаас 11 мүн.  «112» суһал нүөмэргэ кыра оҕолоох эр киһи көмөҕө наадыйарын туһунан иһитиннэрии киирбит. Бу туһунан СӨ Быыһыыр сулууспата иһитиннэрэр. 

Эр киһи 4 саастаах оҕотун илдьэ Хлебозавод оройуонугар  квадроциклынан барбыт. Ол кэмҥэ Чульман өрүс уутун таһыма үрдээн, кинилэр арыыга хаайтаран хаалбыттар. Инньэ гынан көмө көрдөөн быыһааччыларга эрийбиттэр. Онуоха кинилэргэ СӨ Быыһыыр сулууспатын Нерюнгритээҕи этэрээтин икки  быыһааччыта оҥочонон тиийбиттэр.  Эр киһини уонна  оҕону эвакуациялаабыттар.

СӨ Быыһыыр сулууспата билигин халаан иккис долгуна кэлэ турарынан, сэрэхтээх буоларга ыҥырар.