Кыра оҕолорго кыраныысса таһынааҕы пааспар наада буолуоҕа

2026 сыл тохсунньу 20 күнүттэн Абхазияҕа, Белоруссияҕа, Соҕуруу Осетияҕа, Казахстаҥҥа уонна Киргизияҕа барарга 14-тэн кыра саастаах оҕолорго кыраныысса таһынааҕы пааспар наада буолуоҕа.

Маннык пааспар оҕо төрөппүтүн эбэтэр арыаллыыр киһини кытары айанныырыттан тутулуга суох ирдэниллэр буолуоҕа.
Онтон 14 саастарын ааспыт уонна сокуоннай саастарын сиппит гражданнар, урукку курдук, бу дойдуларга Арассыыйа пааспарынан айанныахтарын сөп.
2026 сыл тохсунньу 20 күнүгэр диэри төрөөбүтүн туһунан сибидиэтэлистибэнэн айаннаабыт оҕолор Арассыыйаҕа ити докумуоннарынан төннөллөрө көҥүллэнэр
Саха Өрөспүүбүлүкэтигэр Ис дьыала министиэристибэтэ сокуоннай саастарын ситэ илик оҕолорго кыраныысса таһынааҕы пааспары оҥорорго эрдэттэн кыһалларгытыгар сүбэлиир.