Кырачаан олоҥхоһуттар уочараттарын кэтэһэр кэмнэрэ хайдах ааһарый?

Кэлиҥҥи сылларга Олоҥхо ыһыаҕар оҕолор кыттыылара элбээбитэ харахха быраҕыллар.

Бу — улуустарга оҕону кытта фольклорга үлэлэһии, олоҥхоҕо уһуйуу үтүө түмүгэ. Мин санаабар, оҕолору саастарынан «алын, орто, обургу сүһүөх»  диэн араарыахха баара. Наһаа уочараттаах буолан, оҕо да, төрөппүт да, уһуйааччы да күүтэртэн сылайара баар суол. Бэйэлэрин уочараттарын кэтэһэн, ханна да ырааппакка, оҕолор барахсаттар  баҕалаах уочараттарын «сыыппарата» тиийэн кэллэҕинэ, сылайбыттара өтөрө чахчы. Ол сулустаах чаастара тиийэн кэллэҕинэ, хайдах дьайара буолла? Мин оҕолор олоҥхолуур балаҕаннарыгар  тиийиибэр ыраах Анаабыртан кэлбит обургу оҕолор дьүүллүүр сүбэ иннигэр тахсыбыттара.

Онтон орто сүһүөх саастаах кыыс бэйэтин талаанын билиһиннэрбитэ.

Син балачча истэ түһээт, балаҕантан тахсан баран, кырачаан кыысчаан баттаҕын өрдөрө турарыгар түбэстим. Чобуо киһичээн, кимиэхэ да кыһаммакка, бириэмэтин таах ыппакка, кэтэһэр кэмин бэркэ туһана турара.

Бу талааннаах кыысчааны кытта чугастык билсэргэ сананным. Кэпсэтэн, маннык билистибит.

Амма кырачаан олоҥхоһута Катя Никонованы кытта билсэн баран, аттыбар аны биир талааннаах кыысчаан интервью биэрэ турарыгар түбэстим. Маладьыас киһи — Гран-приттан атын наҕараадаҕа наадыйбат эбит.

Бу кылгас кэмҥэ аасыһан ааспыт оҕолорум — кырачаан олоҥхоһуттар туох ситиһиилэммиттэрэ буолла?…