Кырачаан ханнык өҥү ордороруй?

Оҕо уруһуйугар болҕомтоҕутун ууруҥ диэн психологтар сүбэлииллэр. 

Баһыйар өҥүнэн оҕо уйулҕатын туругун быһаарыахха сөп диэн суруйаллар.

• Кыһыл өҥ баһыйар буоллаҕына, оҕо үлэһит, ол эрээри биир сиргэ таба олороро, болҕомтолоох буолара уустук. Онон утуйар хоһугар от күөҕэ дьүһүн баһыйара ордук, оҕо уоскуйар.
• Араҕас өҥ — айар дьоҕура сайдыбыт. Мэниктиирин, дьээбэлэнэрин сөбүлүүр. Ол иһин кыһыл уонна үрүҥ өҥнөрүнэн хараҕын сымнатаргыт ордук.
• Халлаан күөх — кини холку майгылаах. Толкуйдаан, ырыҥалаан баран хамсанарын сөбүлүүр. Соҕотоҕун сылдьарын ордорор. Кытарымтыйар саһархай эбэтэр оруосабай өҥнөр соҕотохсуйуутуттан  көмүскүөхтэрэ.
• От күөх — оҕо тапталы ситэри билбэтиттэн  тахсыан сөп. Бэйэтин умнууга барбыт, быраҕыллыбыт курдук сананыан сөп.
• Фиолетовай өҥ — оҕо олус баай фантазиялаах, оҥорон көрө-көрө кэпсиир, айа-тута сатыыр буолуон сөп.

Саха ыалын халандаарыттан, 2015 c.

«Айар» («Бичик») кинигэ кыһата.