Кырачаан оҕо ууга түһэн өллө

Бэҕэһээ, балаҕан ыйын 14 күнүгэр,  киэһэ 20.00 чаас саҕана Уус Алдан улууһун Түүлээх сэлиэнньэтигэр  3 саастаах кыыс оҕо дьиэтиттэн тахсан, сүтэн хаалбыт. Бу туһунан улуустааҕы «Мүрү саһарҕата» суруйар.

Таһырдьа киэһэ тахсан хаалбыт оҕолорун дьоно көрдөөн баран булбакка, олохтоох дьаһалтаҕа биллэрэллэр.  Дьаһалта түрүлүөн тардан, нэһилиэк үгүс олохтоохторо кырачаан оҕону  көрдүү тахсаллар.

Хомойуох иһин, Уус Алдан улууһун биир кэлим диспетчерскэй сулууспата «Мүрү саһарҕата» хаһыакка  иһитиннэрбитинэн,  оҕо өлүгүн дьиэтин таһыгар баар Сатаҕай күөлтэн булбуттар.