Хаартыска: sakha.gov.ru
РФ Бырабыыталыстыбата оборуона кыттыылаахтарыгар бэтэрээн статуһун биэрэр сирдэрин бигэргэттэ. Байыаннай дьайыы ыытыллар оройуоннарыгар сыста сытар уонна Украина Сэбилэниилээх күүстэрин саба түһүүлэригэр түбэспит сирдэр испииһэктэригэр 11 административнай-территориальнай тэриллии киирдэ. Бу туһунан СӨ Аҕа дойду буойуннарын дьиэ кэргэттэрин кэмитиэтин салайааччытын солбуйааччыта Саргылана Неустроева иһитиннэрдэ.
«Итинник сирдэр ахсааныгар – Крым Өрөспүүбүлүкэтэ, Севастополь куорат, Белгородскай, Брянскай уонна Курскай уобаластар, Краснодарскай кыраай Темрюкскай оройуона, Воронежскай уобалас Кантемировскай уонна Россошанскай муниципальнай оройуоннара, ону тэҥэ Анапа, Новороссийск уонна Геленджик куораттар киирэллэр.
Биһиги билэрбитинэн, Саха сириттэн сылдьар байыаннай сулууспалаахтар бу сирдэри көмүскээһиҥҥэ эмиэ кыттыбыттара. Бойобуой дьайыылар бары бэтэрээннэрин интэриэстэрин көмүскээһиҥҥэ туһуламмыт кэмигэр ылыллыбыт уонна кырдьыктаах быһаарыы ылылынна. Биһиги Кэмитиэппит байыаннай дьайыы хас биирдии саҥа бэтэрээнин кытта үлэлииргэ бэлэм», – диэн Саргылана Неустроева бэлиэтээтэ.
Саха Өрөспүүбүлүкэтин Аҕа дойду буойуннарын дьиэ кэргэттэрин кэмитиэтэ 2023 сыл тохсунньутугар РФ Бэрэсидьиэнэ Владимир Путин көҕүлээһининэн, Ил Дархан Айсен Николаев көхтөөх өйөбүлүнэн тэриллибитэ. Тэриллиэҕиттэн ыла кини Аҕа дойду көмүскээччилэрин уонна кинилэр дьиэ кэргэттэрин өйүүргэ туһуламмыт уопсастыба күүһүн түмэр суолталаах түһүлгэнэн буолла.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…