Хаартыска: Банки.ру
Бэрэсидьиэн Владимир Путин саҥа сокуоҥҥа илии баттаата. Бу сокуон чэрчитинэн, 2024 сыл от ыйын 1 күнүттэн кыраныысса таһыгар тахсарга аналлаах пааспары уонна атын да докумуоннары ыларга судаарыстыбаннай түһээн (пошлина) 20% үрдүүр диэн «Ведомости» суруйар.
Кыраныысса таһынааҕы биометричэскэй пааспары биэрии 5000 солкуобайтан 6000 солкуобайга диэри үрдүөҕэ. Оттон 14-гэр диэри саастаах оҕолорго — 2500 солкуобайтан 3000 солкуобайга диэри үрдүүр.
Ону тэҥэ, омук дьонугар бэриллэр докумуоннарга пошлина үрдээтэ. Олорору көҥүллүүр докумуон (вид на жительство) — 800 солкуобай, быстах олорору көҥүллүүр докумуон — 1920 солкуобай, Арассыыйа визатын уһатыы — 1200 солкуобай, омук дьонун үлэҕэ ыларга көҥүллүүр докумуон — 12 000 солкуобай, Арассыыйаҕа үлэлииргэ көҥүллүүр докумуон — 4200 солкуобай буолуоҕа.
Бу иннинэ кыраныысса таһынааҕы пааспары ыларга, төттөрүтүн, «Госуслуги» порталга 20%-наах чэпчэтии баар этэ. Бу чэпчэтии быйылгыттан тохтообута. Онон, кыраныысса таһынааҕы пааспары ыла илик, эбэтэр, болдьоҕо тахсыбыт пааспардаах дьон, от ыйыгар диэри ыларга тиэтэйиҥ. Бириэмэ өссө да баар баар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…