Кырдьаҕаһы, инбэлиити көрдөххө, биэнсийэҕэ ыстаас ааҕыллар

80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан ааҕыллар. 

Ону хайдах бигэргэттэриэххэ сөбүй? Бу маннык дьону көрөн олорон баран, көрөөччү киһи үлэҕэ (биэнсийэҕэ)  таҕыстаҕына, эбэтэр, биир сылтан ордук кэм ааспытын кэннэ, бигэргэттэриэххэ сөп. Холобур, 2026 сыл олунньутуттан көрөн саҕалаабыт буоллахха, 2027 сыл олунньутугар бигэргэттэриэххэ сөп.

Биир сылга 1,8 биэнсийэ коэффициена (ИПК) ааҕыллар.

Сайабылыанньаны Социальнай пуонда килийиэннэрин сулууспаларыгар тиийэн, суруйуллар. Көрөр киһиттэн туспа олорор буоллахха, ол көрүллэр киһи, эбэтэр кини сокуоннай бэрэстэбиитэлин  суругунан бигэргэтиитэ ирдэнэр.