Хаартыска: үлэ, социальнай сайдыы министиэристибэтэ.
Тохсунньу 3 күнүгэр Дьокуускайга Өрөспүүбүлүкэтээҕи кырдьаҕастар, инбэлииттэр интэринээт-дьиэлэригэр киһи өлүгүн булбуттара. Үлэ, социальнай сайдыы министиэристибэтэ ыыппыт анал бэрэбиэркэтэ түмүктэммитин туһунан иһитиннэрдэ. Дьэ, туох миэрэлэр ылыллыбыттарый?
Кырдьаҕас киһи өлбүтэ хас да хоммутун кэннэ булбуттар. Маныаха интэринээт-дьиэ үлэһиттэрэ хас да күнү быһа тоҕо кыһамматахтарый, көрөр-харайар эбээһинэстэрин тоҕо толорботохторуй диэн ыйытыы үөскүүр.
Бэрэбиэркэ түмүгүнэн, интэринээт-дьиэ үлэһиттэрэ бу киһи Саҥа дьыл бырааһынньыгар аймахтарыгар барбыт диэн бигэргэммэтэх чахчыны истибиттэр. Үлэһиттэр ону бэрэбиэркэлии сатаабакка, бэйэлэрин эбээһинэстэрин ситэри толорботохтор, салалта ону хонтуруоллаабатах.
Онон бу анал бэрэбиэркэ түмүгүнэн, Өрөспүүбүлүкэтээҕи кырдьаҕастар, инбэлииттэр интэринээт-дьиэлэрин дириэктэрэ уонна 5 үлэһит үлэлэриттэн уһулуннулар. Маны тэҥэ, сорох үлэһиттэргэ куһаҕан үлэлэрин иһин, дьиссипилиинэҕэ буруйдааһын оҥоһулунна.
«Социальнай ситимнэргэ бигэргэммэтэх чахчылардаах матырыйаалы тарҕатыы иһин сокуон ыйарынан, быраап сыанабыла оҥоһуллуоҕа», — диэн министиэристибэ суругар ыйыллар.
«Черскэй бөһүөлэгин баһылыгын дуоһунаһыгар анал байыаннай дьайыыга кыттыбыт икки дьоһуннаах хандьыдаат туруоруммуттара. Быыбар кыайыылааҕынан Петр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саха Өрөспүүбүлүкэтин Ил Дархана Айсен Николаев «Быһа лииньийэтигэр» ыытыллыбыт сылларыгар олохтоохтортон 10 тыһыынчаттан тахса ыйытыы…
Сайын устата кыстыкка бэлэмнэнии араас хайысхалаахтык ыытыллан, оттук сезона саҕаланна. Биллэн турар, барыта эриэ-дэхси буолбатах…
Мэҥэ Хаҥалас улууһун Судаарыстыбаннай автоинспекциятын отделениета иһитиннэрбитинэн, бэҕэһээ, балаҕан ыйын 18 күнүгэр 9 чаас 30…
Бүгүн, балаҕан ыйын 19 күнүгэр, Ньурба оройуонугар икки эр киһи суорума суолланна диэн СӨ Быыһыыр…