Кырдьаҕастар интэринээт-дьиэлэригэр саҥа дириэктэр ананна

Өрөспүүбүлүкэтээҕи кырдьаҕастар, инбэлииттэр интэринээт-дьиэлэригэр саҥа дириэктэр ананна. Кулун тутар 31 күнүгэр кэлэктиипкэ саҥа дириэктэри — Надежда Владимировна Шомоеваны билиһиннэрдилэр.

Надежда Владимировна үлэтин бастакы күнүгэр үлэһиттэри, олохтоохтору кытта билистэ, дьиэни-уоту көрдө-иһиттэ.

Надежда Владимировна – социальнай хааччыйыы эйгэтигэр уопуттаах, үрдүк квалификациялаах исписэлиис диэн Үлэ, социальнай сайдыы министиэристибэтэ иһитиннэрэр. Кини салайар үлэҕэ баай уопуттаах:

2003-2013 сылларга Дьокуускай куорат дьаһалтатын социальнай көмүскэлгэ, үлэҕэ управлениетыгар салайааччыны солбуйааччынан, сүрүн исписэлииһинэн үлэлээбитэ.

2013-2019 сылларга Үлэ, социальнай сайдыы министиэристибэтин социальнай бэлиитикэҕэ департаменын салайааччытынан үлэлээбитэ.

Социальнай сулууспа сайдыытыгар өр сыллаах үтүө суобастаах үлэтин иһин Надежда Владимировна Шомоева «СӨ социальнай сулууспатын туйгуна» бэлиэнэн наҕараадаламмыта.