Кырдьаҕастар уонна инбэлииттэр дьиэлэриттэн эр киһи өлүгүн буллулар

Тохсунньу 3 күнүгэр Решетников аатынан өрөспүүбүлүкэтээҕи кырдьаҕастар уонна инбэлииттэр интэринээт-дьиэлэриттэн эр киһи өлүгүн булбуттар. Барыллаан дааннайдарынан, эр киһи хоһугар хатанан баран, ахсынньы 31 күнүттэн үлэһиттэргэ аанын аспатах. Бу туһунан быраабы араҥаччылыыр уорганнар СИА-ҕа иһитиннэрбиттэр.

«Эр киһи туспа хоско олорбут, интэринээт-дьиэҕэ сүрэх ыарыылаах киирбит. Барыллаан дааннайдарынан, кини үлэһиттэргэ аанын ахсынньы 31 күнүттэн аспатах. Тохсунньу 3-с күнүгэр үлэһиттэр аанын алдьатан киирэн, эр киһи өлүгүн булбуттар», — диэн быраабы араҥаччылыыр уорганнар СИА-ҕа кэпсээбиттэр.

СӨ Үлэҕэ уонна социальнай сайдыыга министиэристибэтэ бу быһылаанынан бэрэбиэркэ саҕаламмытын иһитиннэрэр. Суут-мэдиссиинискэй эспэртиисэ уонна бэрэбиэркэ түмүктэринэн миэрэлэр ылыллыахтара.