Хаартыска: ааптар тиксэриитэ
Мииринэй куораттан «Сардаҥа» түмсүү чилиэннэрэ бастакы хаарынан арыалланан, оптуобуһунан 2 чаас айаннаан Чернышевскайдааҕы интэринээт-дьиэҕэ тиийдибит. Манна өссө элбэх хаар түспүт эбит. Биһигини ыҥырбыт, кырдьаҕастар уонна инбэлииттэр интэринээт-дьиэлэрин саҥа дириэктэрэ Леонид Бястинов наһаа истиҥник көрүстэ.
Мустубут көрөөччүлэрбит иннилэригэр «Сардаҥа» түмсүү бэрэссэдээтэлэ Федор Валентинович Петров, интэринээт дириэктэрэ Леонид Дмитриевич киирии тылларын кэнниттэн поэтессабыт, Саха Өрөспүүбүлүкэтин Суруйааччыларын сойууһун чилиэнэ Августина Яковлевна Лонкунова нууччалыы, сахалыы хоһооннорун ааҕан, дьон болҕомтотун тарта. Н.М.Кан салайар «Кэскил» фольклор ансаамбылын оҕолоро хомуска оонньуулларын сөҕө-махтайа иһиттилэр. «Арчы» кулууп кыттыылаахтарын ырыаларын, ордук Нина Васильевна частушкаларын үөрэ-көтө ылыннылар. Интэринээт олохтоохторугар «Иис Уус» түмсүү кыттыылаахтара бэйэлэрин оҥоһуктарын быыстапкатын көрдөрдүлэр, кылтан оҥоһукка маастар-кылаас ыыттылар.
Кэлбит ыалдьыттар ааттарыттан биһиги сахалыы, нууччалыы ааҕар кинигэлэри, сахалыы «Олонхо» хоһугар саламаны бэлэхтээн интэринээт олохтоохторо, үлэһиттэрэ наһаа үөрдүлэр, кэлэн сэргэхсиппиккитигэр диэн улаханнык махтаннылар.
Эһиил кинилэр олорор кырдьаҕастар уонна инбэлииттэр олорор интэринээт-дьиэлэрэ 20 сылын туолар үбүлүөйдэригэр ыҥырдылар. Бүтэһигэр итии чэйинэн, минньигэс аһынан күндүлээн атаардылар. Биһиги кырдьаҕас дьон, инбэлииттэр биир күннэрин сырдатан, үөрдэн кэлбиппитинэн астынныбыт.
«Сардаҥа» түмсүү
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…
Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон…
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…