Хаартыска: С.Захарова тиксэриитэ
Уус Алдан улууһун оскуолаларын 1987 сыллаахха бүтэрбит выпускниктар аахсыйаҕа көхтөөхтүк кытынныбыт. Ол курдук, биир дойдулаахпыт, 1987 сыллаах выпускник Михаил Готовцев кырдьаҕастар олорор дьиэлэрин тэрийбитэ. Быйыл биһиги сыл аайы оҥорор үтүө дьыалабытын үөрэ-көтө салҕаатыбыт.
Сыл аайы кэккэбит хаҥаан иһэр. Улуу Кыайыы 80 сылынан бу аахсыйаҕа быйыл 47 киһи бэйэтин баҕа санаатынан кытынна.
Аахсыйа сэттис төгүлүн ыытыллынна. Кыратык ааспыты санаан ыллахха:
— 2019 сыллаахха ас-үөл атыыласпыппыт, кырдьаҕастар олорор дьиэлэрин тиэргэнин ыраастаабыппыт, сахалыы остуол оонньууларын ыыппыппыт.
-2020 сыллаахха пандемия кэмэ буолан, таһыттан сылдьан ас-үөл хомуйан биэрбиппит.
-2021 сыллаахха сүүрэн-көтөн, ас-үөл атыылаһан кырдьаҕастар дьиэлэрин үлэһиттэригэр туттарбыппыт.
-2022, 2023, 2024 сылларга үгэспитин тутуһан, кэһии астаах-үөллээх, ырыалаах-тойуктаах ыалдьыттаатыбыт.
Манна сыл аайы сүрүн кыттыыны Мүрү, Танда, Дүпсүн, Лөгөй, Найахы, Өнөр оскуолатын оҕолоро ылаллар.
Быйылгы үбүлүөйдээх Кыайыы күнүгэр анаммыт бу тэрээһини Галина Гуляева, Христина Ефимова, Людмила Алексеева, Юлия Стручкова, Виктория Федорова, Күннэй Айарова, Оксана Егорова, Александр Горохов кыайа-хотонүрдүк тэрээһиннээхтик ыыттылар.
Михаил Готовцев бу тэрийбит дьиэтигэр отут киһи олорор эбит.
Алтай кыраайыттан, Читаттан, Сахалинтан, Челябинскайтан, Украинаттан, Казахстантан, Дьокуускайтан, ону тэҥинэн өрөспүүбүлүкэбит улуустарыттан: Уус Алдантан, Чурапчыттан, Мэҥэ Хаҥаластан, Амматтан, Бүлүүттэн, Сунтаартан, Өлүөхүмэттэн, Булуҥтан, Аллараа Халыматтан, Кэбээйиттэн, Үөһэ Бүлүүттэн, Орто Халыматтан, Тулагы-Киллэмтэн манна бааллар. Онон бу үтүө санаа аахсыйабыт Арассыыйа таһымнанна диэхпитин сөп.
Манна олорор дьоҥҥо хомустаатыбыт, Кыайыы вальсын үҥкүүлээтибит, дойдубут туһунан ылбаҕай ырыабытын ыллаан эҕэрдэлээтибит уонна ас-үөл бэлэхпитин ууннубут. Сахалыы оонньуулары сэргээн, кэрэхсээн оонньоотулар.
Үтүө санаа өрөгөйдүү турдун! Маннык бары түмсүүлээх, кыайыылаах-хотуулаах буоламмыт кэлэр кэнчээригэ үтүө холобур буола туруоҕуҥ.
Саргылана Захарова — Саха Саргыта
Дүпсүн орто оскуолатын 1987 с выпускнига.
Хаартыскалар С.Захарова тиксэриилэрэ
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…