Хаартыска: Намнааҕы кырдьаҕастар, инбэлииттэр интэринээт-дьиэлэрэ.
Саха сиригэр Бэрэсидьиэн көҕүлээбит национальнай бырайыактарынан уонна судаарыстыбаннай бырагыраамаларынан 124 социальнай эбийиэги — оскуолалары, уһуйааннары, спортивнай саалалары, балыыһалары, биэлсэр-акушер пууннарын, о.д.а. тутуу ыытылла турар.
Быйыл, Оҕо саас сылыгар, уопсайа 5015 миэстэлээх 18 оскуоланы, 555 миэстэлээх 5 уһуйааны, 22 доруобуйа харыстабылын эбийиэктэрин уонна 644 миэстэлээх эбии үөрэхтээһин эбийиэгин тутан киллэрэр былааннаахтар.
Маны тэҥэ, «Азия оҕолоро» норуоттар икки ардыларынааҕы спортивнай оонньуулары көрсө 12 спортивнай эбийиэк, 11 култуура дьиэлэрэ киириэхтэрэ.
Мэҥэ Хаҥалас улууһун Матта сэлиэнньэтигэр 51 куойка-миэстэлээх кырдьаҕастар-инбэлииттэр интэринээт-дьиэлэрэ тутуллан киирэрэ былааннанар.
Оттон ааспыт сылга Намнааҕы кырдьаҕастар, инбэлииттэр интэринээт-дьиэлэрэ сабыс-саҥа дьиэлэммитэ. 65 миэстэлээх саҥа уораҕай «Демография» национальнай бырайыак «Аҕам саастаах көлүөнэ» бырагырааматынан тутуллубута.
Анастасия Заболоцкая, Намнааҕы кырдьаҕастар, инбэлииттэр интэринээт-дьиэлэрин дириэктэрэ:
— Урут 470 кв.м. иэннээх эргэ дьиэҕэ үлэлии олорбуппут. Кыараҕас буолан, кырдьаҕастар хоско үстүү-түөртүү буолан олорбуттара. Билигин уон төгүл кэҥээтэ, улаатта. Үлэһиттэргэ, миэдиктэргэ эмиэ олус үчүгэй усулуобуйа тэрилиннэ. Киһи эрэ үлэлиэх курдук.
Маннык дьиэлэр тутуллаллара дойдубут социальнай хайысхалаах судаарыстыба буоларын, кыаммат араҥаҕа көмөлөһөр бэлиитикэлээҕин туоһулуур. Национальнай бырайыактарынан төһөлөөх элбэх суол, социальнай эбийиэк тутулунна! Ол иһин дойдубут сайдар кэскиллээх, инникигэ эрэллээх.
Кырдьаҕастарга саамай үчүгэй дыбарыас дьиэ Намҥа тутулунна. Онно сөп түбэһэрдии үлэлиибит-хамсыыбыт.
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…