Кырдьаҕастары кылгас кэмҥэ ыалдьыттатар дьиэ кэргэттэр баар буолуохтара

Горнай улууһугар үлэ, социальнай сайдыы миниистирэ Елена Волкова баран үлэлээтэ. Бу сырыытыгар интэринээт-дьиэҕэ олорор кырдьаҕас дьону кытта көрүстэ. Кинилэр дойдуларыгар баран, сынньанан кэлэллэригэр кылгас кэмҥэ ыалдьыттатар дьиэ кэргэттэри булар туһунан боппуруоһу ырыттылар.

Көрсүһүү кэмигэр Кырдьаҕастар, инбэлииттэр интэринээт-дьиэлэрин олохтоохторо дойдуларын ахталларын, кылгас кэмҥэ баран кэлиэхтэрин баҕаралларын, ол эрээри, билэр дьонноро, аймахтара суохтарын туһунан эттилэр.

Бу кыһалҕаны хайдах быһаарыахха сөбүй?

Кырдьаҕастары кылгас кэмҥэ ыалдьыттата диэн дьиэ кэргэттэр ылыахтарын, көрүөхтэрин-харайыахтарын сөп. Оччоҕо интэринээт-дьиэ олохтоохторо дойдуларыгар баран, сынньанан, ахтылҕаннарын таһааран кэлиэх этилэр. Манна үлэ, социальнай сайдыы министиэристибэтэ саҥа мэхэньиисими толкуйдаан үлэлэтэн, боппуруоһу быһаарыах буолла.