Күрдьэх, оргуһуох быраҕыллара эрдэ. Эдьиий Дора эр дьоҥҥо сүбэтэ

Эдьиий Дора эр дьоҥҥо сүбэтэ. 

Билигин күрдьэҕинэн сирин тиэринэр киһи биллэ аччаата. Эмиэ албастаах, киһи сэниэтин бараабат, күүстээх мотуорунан холбонон  чыпчылыйыах эрэ кэмҥэ  бүтүн бааһынаны хорутар  тиэхиньикэ арааһа дэлэйэ үчүгэй.

Ол эрээри күрдьэҕи быраҕар билигин да эрдэ. Сири тиэрэргэ тэнийэр иҥииргит, ыгыллан тахсар көлөһүҥҥүт чэгиэн эккит-сииҥҥит эрчиллэригэр эмиэ туһалаах эбитин умнар табыллыбат.  Ууну күөлтэн-көлүччэттэн баһа сатаабаккын, эмиэ носуоһунан хачайдыыгын эбэтэр  бэлэм турбанан сүүрдэҕин. Оргуһуохтаах киһини көрбөккүн. Ити барыта тэҥнэбилгэ этиллэр. Күн бүгүн урукку кэмҥэ төннүөҕүҥ диэн буолбатах.

Оччотугар төрүт дьарыкпытын умнар табыллыбат, саатар хам-хаадьаа хамсанан илиинэн туттар үөрүйэҕи илдьэ сылдьыахтаахпыт.

Огдо «Эдьиий. Айыы сүдү удаҕана» («Айар», 2023)  кинигэтиттэн.

«Саха ыалын халандаара», 2024  c.