Хаартыска: Мария Васильева, СИА.
Өрдөөҕүтэ аахпыппын өйдөөн кэллим: сылгы үөрүн атыыра күнү кистээн көрсөрүн туһунан. Оччолорго суолта биэрбэтэҕим. Дьэ, кырдьык эбит. Бүгүн сарсыарда түннүгүм сабыытын аһан, күн тахсарын манаан олордум.
Бу кэмҥэ суолунан, алта биэлээх атыыр үөрэ субуруһан баран иһэллэрэ. Илин саҕахтан аламай үрүҥ күн тахсаары кытара кыыһан эрэрэ. Үөрүн кэнниттэн испит атыыр эмискэ туора суолунан сүүрэн тахсан, сыыр үрдүгэр илин хайыһан турунан кэбистэ. Сылгылар бары тохтоон, хоту хайыһан турдулар. 4 чаас 54 мүнүүтэҕэ саҥа күн тэмтэйэ ойон тахсан сырдыгынан сыдьаайда. Атыыр күннүүн дорооболоһордуу, баһын тоҥхоннотто, илгистэн тырбыырбахтаан ылла. Онтукайа күннүүн эҕэрдэлэһэр курдук көһүннэ. Бу атыыр кистээбэтэ эрээри, бары туттунуута күҥҥэ сүгүрүйүүнү көрдөрдө. Манан буоллаҕына, тыынар тыыннаах бары күнү бэйэлэрин сиэрдэринэн араастаан көрсөллөрүн,болҕойон көрбөппүт быһыылаах…
Күндүл халлаан чараас былытынан бүрүллэн хаалла. Сарсыарда 6.30 чааска -8°С, арҕааттан салгыннаммыт, күн 10 чаас уһаата. Билигин күн балысханнык уһаан, дьон күн уһууругар-кылгыырыгар наадыйбат буолла. Кыһын хас биирдии мүнүүтэ уһуура күндү буолара.
Бүгүҥҥү билгэ: сарсыарда күн сандааран таҕыстаҕына, бу күннэр олус үчүгэй буолаллар. Күнү быһа тыалырдаҕына, сайына тымныйар. Былыттар үөһэнэн түргэнник уһуннахтарына- халлаан тупсар. Ыар, нүһэр былыт сабардаатаҕына, хас да күннээх сөҥүүлэнэр. Мас хатырыга хайыннаҕына — үчүгэй күннэргэ.
Иннокентий ПОПОВ-ОҔУРУОТТААХ
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…
2021 сылтан Арассыыйа Бэрэсидьиэнэ Владимир Путин көҕүлээһининэн уонна «Биир ньыгыл Арассыыйа» баартыйа норуодунай бырагырааматынан саҕаламмыт…
Саха Өрөспүүбүлүкэтигэр 2026 сыл Култуура сылынан биллэриллибитэ. Бүгүн, тохсунньу 16 күнүгэр, Б.Ойуунускай аатынан Саха тыйаатырыгар…