Т.Скрябин ыытта
Бэҕэһээ тыа сирин олохтоохторун биир сонун сэргэхситтэ.
Ол курдук, СӨ Судаарыстыбаннай Мунньаҕын (Ил Түмэн) дьокутаата Тихон Скрябин Хаҥалас улууһун Күөрдэм сэлиэнньэтигэр тахсан “120 ынаҕар отторун уонна аһылыктарын бэлэмнээһиҥҥэ көмөлөспүтүн” туһунан.
Кырдьык, бу «Октябрь 50 сыла сопхуос» диэн ааттаах кэпэрэтиипкэ Тихон Николаевич үлэһиттэри кытта тэҥҥэ сүөһү аһылыгын бэлэмнээбиттэр. “Онон 120 хороҕор муостаах этэҥҥэ кыстыыр буолла» — диэн дьокутаат бэйэтин ТГ таһаарбытын дьон-сэргэ олус биһирээтэ. Ол да буоллар, сорохтор, дьокутаат киһи, ама, хайаан 120 ынахтаах буолуоҕай эҥин диэн соһуйалларын эмиэ биллэрдилэр.
— “Октябрь 50 сыла сопхуос” ТХПК мин тэрийбит хаһаайыстыбам. Онон бэрэссэдээтэлбин уонна төрүттээччибин (учредитель). Онон ити хаһаайыстыбабар тахсан көмөлөстүм. Быйыл кыстыкка 120 ыанар ынаҕы хотоҥҥо киллэрдибит”, — диэн чопчулаата хара үлэттэн толлон турбат Томмоттооҕу уокуруктан норуот дьокутаата Тихон Скрябин.
Тихон Николаевич Арассыыйа Наукатын академиятын Сибиирдээҕи салаатын Саха сиринээҕи научнай киинин генеральнай дириэктэрин солбуйааччыта. Онон наука материальнай-тэхиньиичскэй баазатын сайыннарыыга кинини эмиэ үгүс үлэ күүтэр.
“Ил Түмэҥҥэ тыа хаһаайыстыбатын бары кыһалҕатын олох төрдүттэн билэр дьокутаат баар буолбута бэрт эбит”, — дэһэллэр ааҕааччылар.
Бу нэдиэлэ уратылаах: саҕаланыыта Скорпион бэлиэтин дириҥ уонна чинчийэр энергиятынан салайтарар, оттон иккис аҥаара Стрелец…
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…