Күрэхтэһиинэн баай сыл ааста

Күрэхтэһиинэн баай сыл ааста

Ааптар:
05.01.2023, 14:00
Бөлөххө киир:

2022 сыл Саха сирэ быһаччы кыттыы­лаах улахан таһым­наах спортивнай тэрээһиннэринэн баай буолла. Ол курдук, мас-рес­тлиҥҥэ аан дойду чөмпүйэнээтэ, Владивостокка “Азия оҕолоро” норуоттар икки ардыларынааҕы спортивнай оонньуулар, Уус Алдаҥҥа Саха сирин норуот­тарын VIII спортивнай оонньуулара, Дьокуускайга Саха сирин баһылыгын куубагар Го оонньуу, Дмитрий Коркин уонна Роман Дмитриев кэриэстэригэр көҥүл тустууга турнирдар ыытылыннылар.

Саха сиригэр ыытыллыбыт биир саамай улахан спортивнай тэрээһининэн Саха сирин норуоттарын VIII спортивнай оонньуулара буолла. Оонньуулар Уус Алдан улууһун киинигэр Бороҕоҥҥо от ыйын 4-9 күннэригэр ыытыллыбыттара. Манна өрөспүүбүлүкэбит оройуоннарыттан уонна тэриллиилэриттэн 37 хамаан­да туран, 836 спортсмен 16 успуорт көрүҥэр илин-кэлин түһүстүлэр. Спартакиадаҕа анаан Мындаабаҕа единоборства киинэ уонна Мүрүгэ “Бэрт Хара” стадион үлэҕэ киирбитэ.

От ыйын 28 күнүттэн атыр­дьах ыйын 8 күнүгэр диэри Владивосток куоракка ыытыллыбыт “Азия оҕолоро” норуоттар икки ардыларынааҕы оонньуу буолар. Манна 12 дойдуттан уонна Арассыыйа аҕыс ха­­маандатыттан оҕолор күрэхтэспиттэрэ. Саха сирин сүүмэрдэммит хамаан­дата 12 кыһыл көмүс, 10 үрүҥ көмүс, 15 боруонса мэтээллэнэри ситиспитэ.

Саха сирин биллэр-көстөр спортсменнара – тустуук Владимир Егоров, дзюдоистка Карина Ефимова, мадьыны Семен Ануфриев, боксер Василий Егоров, самбист Валерий Ергалов, сүүрүүк Наталья Леонтьева, оҕунан ытааччы Рената Гаврильева, дуобатчыт Николай Стручков, кикбоксер Михаил Иванов, спортингист Айаал Макаров уо.д.а. араас таһымнаах күрэхтэһиилэргэ ситиһиилээхтик кыттан биир дойдулаахтарын үөртүлэр диэн бэ­­лиэтээн суруйабыт.

Лента
Салгыы
5 февраля
  • -37°C
  • Ощущается: -37°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: