Елизавета Терентьева хаартыскаҕа түһэриитэ
Саха киһитэ унньуктаах уһун кыстыгар маһын, мууһун бэлэмэнэн, идэһэтин быһаарынан кыһынын көрсөргө оҥостор.
Бүлүү улууһугар Кыргыдай нэһилиэгин биир улахан тутаах хаһаайыстыбата, уларыта тутуу, ыһыллыы-тоҕуллуу кэмигэр самныбатах, уурайан, ыһыллан хаалбатах, тыа хаһаайыстыбатын тэрилтэтэ «Кыргыдай» ТХПК 10-тан тахса үлэһиттээх. Быйыл саҥа талыллан үлэлээн эрэр бэрэссэдээтэл Томская Маргарита Афанасьевна салайыытынан кыстыкка киириигэ күүскэ бэлэмнэннилэр. Идэһэ кэмигэр биэс күн сылдьан үлэ күөстүү оргуйан олорорун уу харахпынан көрдүм. Итиэннэ түбүгү-садьыгы быһааралларын, дьону-сэргэни иилээн-саҕалаан үлэлэтэллэрин сөҕө, астына, хайгыы көрдүм-иһиттим.
Манна үлэни оройуттан туттулар нэһилиэк олохтоохторо, оскуола кэлэктиибэ (дириэктэр Кучутов Н.Н.). Маныаха оскуола оҕолоро сынньалаҥнарын туһалаахтык атааран тэбис-тэҥҥэ сылдьыбыттарын, улахан дьон курдук дьоһуннаахтык тутталларын-хапталларын, билэллэрин-көрөллөрүн, илии-атах буолан көмөлөспүттэрин сөхтүм, хайҕаатым, киэн тутуннум. Түбүккэ-садьыкка олохтоох дьаһалта баһылыга Алексеев Э.Э. кэлэн көх-нэм буолбута сүргэни көтөхтө.
Манна даҕатан эттэхпинэ, биһиги бу «Кыргыдай» ТХПК киэн туттабыт. Манна үксүлэрэ биэнсийэҕэ тахсыбыт, биэнсийэҕэ тахсар саастаах дьон күүстээх санааларынан, патриотическай өйдөрүнэн-санааларынан, «Кыргыдай» үлэһиттэрэ туруорсан туран бу пиэрмэни хаалларбыттара. Этэргэ дылы онон «һай-һат» дэһэбит, пиэрмэлээхпит диэн киэн тутта кэпсиибит. Дьэ, бу биэс күҥҥэ идэһэҕэ сылдьан, бары да олус астынныбыт, сэргэхсийдибит. Поварбыт Катанов Василий Афанасьевич астаабыт минньигэс да минньигэс, иҥэмтиэлээх миинин истибит. Аны туран, ким таһаарыылаахтык үлэлээбитин көрөн хамнастаан, бириистээн олохтоохтору үөртүлэр.
Тыа хаһаайыстыбата эстибэтин туһугар бэйэлэрин кылааттарын киллэрэн үлэлии-хамсыы сылдьар нэһилиэкпит биир тутаах «Кыргыдай» ТХПК үлэһиттэригэр үлэҕит сайдан-кэҥээн иһэригэр, өрөбүлэ суох сыралаах үлэҕит сыаналанарыгар баҕарабыт.
Елизавета Наумова,
Кыргыдай нэһилиэгин дьаһалтатын исписэлииһэ, Бүлүү.
Хаартыскаларга Елизавета Терентьева түһэриитэ
РФ Бырабыыталыстыбатын уурааҕын бырайыагар олоҕуран, суоппардар массыыналарын регистрационнай докумуоннарын уонна суоппар быраабын дастабырыанньатын МАХ нөҥүө…
Үлэ, социальнай бэлиитикэ, бэтэрээннэр дьыалаларыгар кэмитиэт бэрэссэдээтэлэ Ярослав Нилов, наҕараада ылбатах эрээри ирдэнэр болдьохтон биэс…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Аны күһүҥҥүттэн оскуолаҕа тутта-хапта сылдьыы иһин сыана туруоруохтара. Тустаах докумуону нуорма-быраап аакталарын бырайыагын федеральнай порталыгар…
Дьокуускайга Күөх Хонуу аттыгар ыытыллыбыт Кириһиэнньэ сөтүөтүгэр 865 киһи кытынна. Тохсунньу 18 күнүгэр Өлүөнэ өрүскэ…
Киин куоракка күннэтэ кэриэтэ араас быһылааннар тахса тураллар. Бу күннэргэ арыгы содулуттан эдэр дьахтар эчэйиилээх…