Кирилл Николаев, Декабрина Майорова, Павлина Кырбасова хаартыскаҕа түһэриилэрэ
Кыргыдай нэһилиэгэ Улуу Кыайыы 80 сылын көрсө Сахабыт сирин байыастарыгар, биир дойдулаахтарбытыгар, улууспут эдэркээн ыччаттарыгар күүс-көмө буолар.
Байыастарга уонна кинилэр дьиэ кэргэттэригэр көмөлөһөр санаалаах нэһилиэк олохтоох дьаһалтатын көҕүлээһининэн «БАРЫТА КЫАЙЫЫ ТУҺУГАР» диэн көмө аахсыйаҕа нэһилиэкпит олохтоохторо бэйэлэрин сэмэй кылааттарын киллэрдилэр, көхтөөхтүк кытынныллар. Манна бэлиэтээн эттэххэ, нэһилиэкпит биир төһүү күүһэ, бааһынай хаһаайыстыба хаһаайката Аҥастасия Васильевна Кырбасова бу аахсыйаҕа кыттан 33000 суумалаах көмөнү оҥордо.
«Кыргыдай нэһилиэгэ эһигинниин бииргэ» диэн аахсыйаҕа барыта 160000 тыһыынча суумалаах үбү киллэрдэ. Онон байыастарга табыгастаах уонна түргэн-тарҕан, судургу буоллун диэн, итии уу куттуҥ да бэлэм буолар астар, вакуумнаммыт ас-үөл, кэнсиэрбэлэр, тус бэйэ туттар маллара-саллара, сылааһы тутар таҥастар, бэрчээккилэр, бэргэһэлэр, балаклавалар, харысхал сиэккэлэр, байыастарга көстүүмнэр, аптечкалар бэлэм буоллулар.
Ону барытын Улуу Кыайыы 80 сылынан, ыам ыйын 9 күнүгэр, баһыылкалары тиэрдэр курдук, Бүлүү улууһун уопсастыбаннай түмсүүлэрин уонна СВО көмө оҥорор пуун салайааччытыгар Томская Мария Петровнаҕа киллэрэн туттардыбыт. Итиннэ эбэн эттэххэ, байыастарбытыгар Кыргыдайдааҕы Дмитрий Алексеевич Гуляев аатынан оскуола оҕолорун уруһуйдарын, санааларын бөҕөргөтөр, күүһү-уоҕу биэрэр тыллаах-өстөөх суруктары уган биэрдибит. Түгэнинэн туһанан эттэххэ, киһини долгутар тыллардаах суруктар баалларыттан бэйэбит да улаханнык долгуйдубут.
«Норуот күүһэ — көмүөл күүһэ». Былыр-былыргыттан саха норуота биир сомоҕо буолан бэйэ-бэйэбитигэр көмөлөсүһэн кэллэхпит. Билигин инникигэ эрэллээхтик үктэнэн, эйэлээх олох, өйдөһүү, өйөһүү куруутун баар буоларыгар баҕара хаалабыт. Байыастарбыт тапталлаах төрөөбүт дойдуларыгар этэҥҥэ эргиллэн кэлэллэригэр баҕарабыт.
Елизавета Наумова,
Кыргыдай, Бүлүү
Кирилл Николаев, Декабрина Майорова, Павлина Кырбасова хаартыскаларга түһэриилэрэ
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…