Кыргыдайга эдэр исписэлиистэр дьиэлэрэ тутулунна

Бүлүү улууһун Кыргыдайыгар  эдэр исписэлиистэргэ аналлаах толору хааччыллыылаах саҥа дьиэ үлэҕэ киирдэ.

— 4 кыбартыыралаах дьиэ «Тыа сирин территорияларын комплекснай сайдыыта» федеральнай бырагыраама  чэрчитинэн  СӨ Тыатын хаһаайыстыбатын министерствотын салаатынан  тутулунна. Бу бырагыраама тыа сиригэр үлэлиир эдэр исписэлиистэргэ  улахан өйөбүл, олохсуйалларыгар төһүү күүс буолар.  Саҥа дьиэ  аһыллыытыгар улуус баһылыгын бастакы солбуйааччыта Иван Иванович Евсеев, тыа хаһаайыстыбатын департаменын салайааччыта Павел Павлович Иннокентьев, Кыргыдай нэһилиэгин баһылыга Василий Егорович Александров, нэһилиэк олохтоохторо кыттыыны ыллылар. Дьиэ ис-тас үлэтэ барыта түмүктэнэн, сотору кэминэн олохтоох ыаллар киирэллэрэ күүтүллэр, — диэн улуус дьаһалтатыгар иһитиннэрдилэр.