Елизавета Наумова хаартыскаҕа түһэриитэ
Аҕа дойду сэриитигэр Улуу Кыайыы 80 сылын дуорааннаахтык бэлиэтээтибит.
Быйыл нэһилиэкпитигэр Д.А. Гуляев аатынан Кыргыдай орто оскуолатын таһыттан учуутал Эдуард Яковлевич Яковлев хамаандатынан ньиргиччи хааман, халыҥ парад субурҕата үбүлүөйдээх тэрээһин аанын арыйда. Манна биһигини нэһилиэкпит убаастанар ытык кырдьаҕастара, тыыл бэтэрээнэ Егоров Николай Егорович, сэрии сылларын төгүрүк тулаайаҕа Николаева Евдокия Гаврильевна, сэрии сылларын оҕолоро Абрамова Татьяна Васильевна, Николаева Татьяна Иосифовна, Алексеева Александра Константиновна көрүстүлэр.
Бу күн ытык кырдьаҕастарбыт Аҕа дойду сэриитигэр эйэлээх олох туһугар сырдык тыыннарын толук уурбут буойуттар искибиэрдэригэр сырыттылар. Салгыы Кыайыы 80 сылынан диэн суруктаах сүрдээх үчүгэйдик оҥоһуллубут сэргэни нэһилиэкпит искибиэригэр бэһис сэргэнэн туруордубут. Манна нэһилиэкпит киэн туттар киһитэ Осипова Мария Егоровна алҕаата. Сэргэни Кыргыдайбыт киэн туттар талааннаах ууһа Акимов Аркадий Константинович ис сүрэҕиттэн кыһаллан оҥорбутугар бары махтанабыт.
Нэһилиэкпит баһылыга Василий Егорович Александров бэлиэ күҥҥэ мустубут ыалдьыттары эҕэрдэлээтэ. Дохсун ытыс тыаһыгар доҕуһуоллатан СӨ Ил Дарханын А.С.Николаев, улууспут баһылыга С.Н.Винокуров ааттарыттан истиҥ эҕэрдэни тиэрдэн туран үбүлүөйдээх мэтээллэри, олохтоох дьаһалта махтал суруктарын, бэлэхтэрин туттарда. Манна даҕатан эттэххэ, бу иннинээҕи күн кини дьиэлэригэр олорор, кыайан кэлбэт тыыл бэтэрээннэригэр, сэрии сылларын оҕолоругар Улуу Кыайыы 80 сылынан эҕэрдэ суруктары уонна бэлэхтэри туттарбыта.
Нэһилиэкпит «Туску» сынньалаҥ киинин кэлэктиибэ тэрээһини өрө көтөҕүллүүлээх тэрийэн ыыттылар. Бу күн түөлбэ салайааччыларын күүһүнэн полевой кухня үлэлээтэ. Балаҕаммытыгар мааны астаах сандалы тардан ытык дьоммутун күндүлээтибит. Эҕэрдэ ырыа дуорайда, оонньуу, үҥкүү көҕүлүттэн тутулунна. Кырдьаҕастар түмсүүлэрин бэрэссэдээтэлэ Павлина Дмитриевна Кырбасова аҕам саастаах дьоммутугар «Дайыы» түмсүү бэлэмнээбит дэйбиирдэрин, бэлэхтэри, бэйэтэ оҥорбут минньигэс тортарын бэлэх уунна. Нэһилиэкпит киэн туттар Далбар хотуна Кырбасова Анастасия Васильевна ытык кырдьаҕастары сибиэһэй арыынан күндүлээн дьон-сэргэ махталын ылла. Бу күн өйдөбүнньүк чүмэчи ууруутугар дьон-сэргэ көхтөөхтүк кытынна. Салгыы нэһилиэк талааннаахтарын күүстэринэн тэриллибит уоттаах-күөстээх ырыа, үҥкүү дьиэрэйдэ.
Елизавета Наумова,
Кыргыдай, Бүлүү.
Елизавета Наумова хаартыскаларга түһэриитэ
Инсульт Арассыыйаҕа эрэ буолбакка, аан дойдуга барытыгар инники миэстэҕэ сылдьар ыарыынан биллэр. Невролог, гериатр-быраас Полина…
Сэтинньи ый сэтэриир тумарагын сэгэйэ тэлэн, Туймаада олохтоохторо эдэрдиин-эмэнниин Өксөкүлээх Өлөксөй аатынан Норуоттар доҕордоһууларын дьиэтин…
Уус Алдан хомус уустара уутуйан үөскээбит улууһунан биллэр. Суон сураҕырбыт талааннаах маастардары күн бүгүн хомус…
Сунтаар улууһун. Тойбохой нэһилиэгэр Трофим Корнилов аатынан СаДуоБа (саахымат, дуобат, баарыс) көрүҥҥэ улуус аһаҕас күрэҕэ…
Соторутааҕыта Кэбээйи улууһугар «Муҥха олоҥхото-2025» эдэр олоҥхоһуттар өрөспүүбүлүкэтээҕи бэстибээллэрэ киэҥ далааһыннаахтык ыытыллыбыта. 10 улуустан 20-чэ…
Дьокуускайга Олимпийскай чөмпүйүөн, аан дойду чөмпүйүөнэ, успуорт үтүөлээх маастара Владимир Семенович Мышкин кэллэ. Аатырбыт голкипер…