Кыргыттар буоксаҕа күрэхтэстилэр

Дьокуускайга 2006-2007 , 2008-2009, 2010-2011 с.т. кыргыттарга буоксаҕа бастыыр иһин күрэхтэһии буолла. 

Күрэхтэһии «Спорт — олох нуормата» федеральнай бырайыак өйөбүлүнэн, «Демография» национальнай бырайыак иитинэн ыытылынна. Күөн күрэскэ 30 спортсмен кыттыыны ылбыт. Кылаабынай судьуйа бүтүн Арассыыйатааҕы уонна норуоттар икки ардыларынааҕы категориялаах судьуйа — Семен Румянцев.

Турнир түмүгүнэн саастарынан бастыҥ спортсменнар ааттаммыттар:

-13-14 саастаахтарга, Анюта Моркан, 44 кг. (Кэбээйи улууһа);
— 15-16 саастаахтарга, Акулина Халгаева, 48 кг. (Сунтаар улууһа);
— 17-18 саастаахтарга, Александра Слепцова, 48 кг. (Мэҥэ Хаҥалас улууһа).

Турнир түмүгүнэн бастыҥ тириэньэринэн Оксана Васильева буолбут.

СӨ Ил Дарханын уонна Бырабыыталыстыбатын пресс-сулууспата