Кыргыттар этиһэн баран охсуспуттар…

Дьокуускай куорат 4-с №-дээх полиция отделын дьуһуурунай чааһыгар олохтоох дьахтар муннун тоһуппуттарын туһунан иһитиннэрбит. Полиция маныаха эрдэ сууттана сылдьыбыт 25 саастаах кыыс уорбаланарын быһаарбыт диэн ИДьМ пресс-сулууспата иһитиннэрэр.

Быһаарыллыбытынан, быһылаан буолбут күнүгэр кыргыттар тэҥҥэ арыгы испиттэр. Ол олорон кыыс кини аймаҕын кытта сылдьарын сөбүлээбэтин биллэрбит. Кыргыттар салгыы этиспиттэр, онтон охсуспуттар. Уорбаланааччы кыыс эмсэҕэлээччини хаста даҕаны сирэйгэ охсубут. Эмсэҕэлээччи балыыһаҕа тиийбитин, мунна тостубут диэн быһаарбыттар.

Быһылаанынан холуобунай дьыала тэрилиннэ.