Социальнай ситимҥэ Үөһээ Бүлүү улууһугар бэһис кылаас кыргыттара кыра саастаах уолаттары кырбаабыттарын туһунан видеолаах сурах тарҕанна.
Ситим ахсын бу быһылаан туһунан оргуйан олорор. Өссө иккис кылаас оҕото суорума суолламмыт үһү диэн сурах кэлбитэ. Видеоҕа көстөрүнэн, кыыс бэйэтинээҕэр кыра уҥуохтаах уолчааны моонньуттан тутан умса баттаан турара көстөр. Ити кэмҥэ уолчаан өйүн сүтэрэн охтор. Оҕолор онно дьэ куттанан, уҥмут уолчаан тула үмүөрүһэллэр. СӨ Силиэстийэлиир кэмитиэтин пресс-сулууспата бу быһылааҥҥа оҕо өлбүтүн туһунан сурах сымыйа диэн иһитиннэрдэ. Ол эрээри, хомойуох иһин, оҕолор бэйэ-бэйэлэригэр кырыктаах сыһыаннарын туһунан сурахтар үгүстүк чахчы буолаллар. Бүгүн оҕо уҥуо, эчэйиэ. Сарсын алҕас өлөн да хаалыа… Оттон маннык кырыктаах оҕолор, буолаары буолан кыргыттар, видеоҕа уста-уста тарҕаталлара сиэргэ баппат. Ханнык төрөппүттэр уонна учууталлар маннык кырыктаах оҕолору иитэн таһааралларый?
Бу туһунан Үөһээ Бүлүү улууһун үөрэх управлениетын салайааччытын бастакы солбуйааччыта Леонид Огочонов санаатын үллэһиннэ:
— Оҕолор кыыһырсыылара, тыл-тылга киирсибэт буолуулара оскуола ахсын баар көстүү. Социальнай ситимҥэ тарҕаммыт быһылааҥҥа эмсэҕэлээбит оҕону санрейсынан Дьокуускайга ыыппыттар диэн сурах тарҕаммыта сымыйа буолар. Оҕолор оонньуу сылдьаннар кыыһырсан турбуттар. Эмсэҕэлээбит оҕо дабылыанньалаах буолан уҥан хаалбыт. Төрөппүттэртэн туох даҕаны үҥсүү киирбэтэҕэ. Билигин биһиги инникитин маннык хатыламматын туһугар сэрэтэр үлэлэри ыыта сылдьабыт.
Ааспыт сайын оскуола оҕото «Чайхана» кафеҕа туалекка киирэн эрэр кыыһы сидьиҥник кырбаабыт видеота тарҕаммыта. Маннык быһылааннар таҕыстахтарына, өрүү гаджеты, интэриниэти буруйдууллар. Аныгы оҕолор бары куһаҕаны көрө-истэ сылдьаллар дииллэр. Оттон төрөппүт, оскуола хонтуруола ханнаный? Оскуолаҕа оҕо кырбана, атаҕастана барыа суохтаах. Маннык быһылааннарга кытаанах миэрэ ылыллыахтаах. Бу туһунан сиһилии «Саха сирэ» хаһыат кэлэр нүөмэригэр ааҕаарыҥ.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…