Татьяна Шишигина хаартыскаҕа түһэриитэ
Южно-Сахалинскай куоракка уус-уран гимнастикаҕа Уһук Илиҥҥи уокурук чөмпүйэнээтэ түмүктэннэ.
Манна барыта 9 субъектан: Еврейскай автономнай, Сахалин уонна Амур уобаластарыттан, Хабаровскай, Камчатка, Приморскай, Забайкальскай кыраайдартан, Бурятия уонна Саха өрөспүүбүлүкэлэриттэн барыта 170 спортсмен кытынна. Үс күннээх күрэхтэһии кэмигэр кыргыттар бөлөҕүнэн, хамаанданан уонна биирдиилээн бастыыр иһин кииристилэр.
Саха сириттэн икки гимнастка — Зарина Борисова уонна Дарья Христофорова бу көрүҥ Саха сирин сайдыытын устуоруйатыгар аан бастакынан Арассыыйа чөмпүйэнээтигэр кыттар буоллулар. Зарина Борисова 6-с, Дарья Христофорова 8-с миэстэ буолан, Уһук Илин сүүмэрдэммит хамаандатыгар киирдилэр уонна Арассыыйа чөмпүйэнээтигэр кыттар буоллулар. Бу — улахан ситиһии. Кыргыттар иккиэн Москваҕа аатырбыт Ирина Винер киинигэр Валерия Шкред, Екатерина Иванова уонна Олеся Петрова диэн тириэньэрдэргэ дьарыктаналлар. Дарьялаах Зарина ааспыт сылга Владивостокка VII аан дойдутааҕы «Азия оҕолоро» оонньууга кыттыыны ылбыттара. Зарина онно финалга киирсибитэ. Ити курдук кыргыттар ситиһиилэрэ сырыы аайы тупсан иһэр.
Уус-уран гимнастикаҕа СӨ Федерациятын бэрэсидьиэнэ Людмила Николаева кыргыттар кыайыыларын туһунан маннык эттэ: “Биһиги спортсменкаларбыт дьоһун түмүгү көрдөрдүлэр. Бачча кэм тухары аан бастаан Саха сирин гимнасткалара Арассыыйа чөмпүйэнээтигэр кыттар чиэскэ тигистилэр. Кинилэр өрөспүүбүлүкэ эрэ буолбакка, бүтүн Уһук Илин уокурук чиэһин көмүскүөхтэрэ. Бу — улахан үлэ түмүгэ. Элбэх көлөһүннэрин тоҕон, ыарыыны, араас спортивнай эчэйиини тулуйан, сытыы, ыарахан хапсыһыыны ааһан, үөрэх, сынньалаҥ, оҕо саас үгүс үтүө кэмин толук биэрэн туран, манныгы ситистилэр. Кинилэр бэйэлэрин дьарыктарын муҥура суох таптыылларын, күн аайы бэриниилээхтик, иэйиилээхтик үлэлииллэрин дакаастаатылар. Биһиги Заринаҕа уонна Дарьяҕа туруорбут соруктарыгар дьаныардаахтык дьулуруйан иһэллэригэр баҕарабыт! Арассыыйа саамай күүстээх, кыахтаах гимнасткаларын кытта күөн көрсүһүөхтэрэ. Кыргыттарбыт Саха сирин гимнастикатын дьоһуннук көрдөрүөхтэригэр бигэ эрэллээхпит”.
Арассыыйа чөмпүйэнээтэ Москваҕа олунньу 24 күнүттэн саҕаланыа.
Уус-уран гимнастикаҕа СӨ Федерациятын пресс-сулууспата.
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…