Хаартыска: Polisia.kz
Бу күннэргэ “бассаабынан” кыргыттар оҕону кырбыы сылдьар видеолара тарҕанна. “Бу Дьокуускайга буолбут, уорганнар тоҕо көрбөттөрүй? Миэрэ ылыахха наада” диэн кыыһырыы-абарыы үксээтэ.
Дьокуускай куорат дьаһалтатын үөрэххэ управлениета иһитиннэрбитинэн, бу түбэлтэ Саха сиригэр да, Дьокуускайга да буолбатах. Оҕону кырбааһын түбэлтэтэ Казахстаҥҥа, Усть-Каменогорскай куоракка быйыл кулун тутарга буолбут эбит.
Уолтан сылтаан, 16 саастаах аҕыс кыыс биир кыыһы кырыктаахтык кырбаабыттар, өссө сыгынньахтаан баран, тобуктаппыттар, онно сөп буолбакка, камераҕа устан баран, оҕолорго тарҕаппыттар. Кинилэр уруккуттан да бу кыыһы булаллар эбит. Казахстаҥҥа уопсастыбаннас улаханнык долгуйбут. “Күлүгээннээһин” диэн Холуобунай дьыала тэриллибит, силиэстийэ бара турар. Кырбааччы кыыс ийэтэ – үөрэх отделын үлэһитэ тута үлэтиттэн уурайарын туһунан сайабылыанньа биэрбит. Кырбаммыт кыыһы кытта психолог үлэлиир. Кыыс кэллиэскэ үөрэнэ сылдьар. Киниэхэ куратор сыһыарыллыбыт, бу үлэһит дьиэтигэр атаарар, аҕалар эбит.
Казахстан полицията бу видеону тарҕатар дьону эмиэ эппиэтинэскэ тардар туһугар үлэлиир. Тоҕо диэтэххэ, видеоҕа оҕо сирэйэ көстөр, бу сокуонунан бобуллар. Ол курдук, биир блогер бастакынан тарҕаппыта биллибит.
Дьокуускай куорат дьаһалтатын үөрэххэ управлениета оҕолорго болҕомтолоох буоларга ыҥырар. Оҕо кыһалҕатын кистиир буолуон сөп, ол эрээри син биир майгытыгар, тутта-хапта сылдьарыгар ол дьайар. Оҕону кытта аһаҕастык кэпсэтэн, доҕотторун туһунан ыйыталаһан, тугунан тыынан олорорун билэр ордук.
Ону тэҥэ, маннык кырыктаах, сидьиҥ устуулары тарҕаппаккытыгар, бэрэбиэркэлэммэтэх информацияҕа итэҕэйбэккитигэр ыҥыраллар. Видеоҕа оҕо сирэйэ көстөр, бу маны тарҕаппыт киһи эмиэ административнай эппиэтинэһи сүгүөн сөп.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…