Күрүөнү алдьаппыт суоппар ыстараап төлүөҕэ

Олунньу 24 күнүгэр Дьокуускай куорат Ильменскай уулуссатыгар турар дьиэ таһыгар суоппар массыынатын сатаан салайбакка, күрүөҕэ тиийэн түһэн, үс сиэксийэни алдьаппытын туһунан социальнай ситимнэргэ суруйбуттара.

Ол суруйуунан бэрэбиэркэ ыытыллан, суоппар 5000 солк. ыстараабы төлүөҕэ диэн СӨ Борокуратууратын телеграм-ханаалыгар суруйаллар.

Итиэннэ Дьокуускай куорат «Управление ДЖКХ» тэрилтэтигэр 22,9 тыһ.солк. хоромньуну таһаарбытын туһунан суукка ыыппыттар.