Кырыктаах өлөрүөхсүккэ бириигэбэр таҕыста
Өрөспүүбүлүкэ борокуратуурата Сунтаар улууһун 33 саастаах олохтооҕор холуобунай дьыалаҕа судаарыстыбаннай буруйдааһыны өйөөтө. Ол курдук, буруйданааччы Арассыыйа Федерациятын холуобунай кодексатын 105 уонна 167 ыст 1,2 ч «д» сууттаммыт.
Онно быһаарыллыбытынан, былырыын ыам ыйын 7 күнүгэр Сунтаар улууһун Кириэстээҕиттэн чугас «Эрчинэй» диэн сиргэ эмсэҕэлээччи уонна буруйданааччы икки ардыгар кыыһырсыы буолбут. Кыыһырсыы кэмигэр буруйданааччы эмсэҕэлээччи утуйбутунан туһанан, канистралаах уматыгы массыынаҕа ыстаран баран уматан кэбиспит. Эмсэҕэлээччи 70-79% умайан быһылаан тахсыбыт сиригэр өлбүт.
Суут кэмигэр буруйданааччы буруйун аҥаарын эрэ билиммит. Ол эрээри, кырыктаах өлөрүүгэ элбэх дакаастабыл көстүбүт. Онон буруйданааччы 16 cылга хаайыы болдьоҕор бириигэбэрдэммит.
Сообщить об опечатке
Текст, который будет отправлен нашим редакторам: