Хаартыска видеоттан ылылынна
Оҕолоругар кырыктаахтык сыһыаннаһар ийэ туһунан интэриниэт ситиминэн тарҕаммыт видео бэрэбиэркэтин түмүгүн туһунан СӨ Борокуратуурата иһитиннэрэр.
Дьокуускай куорат борокуратуурата 23.07.2023 с. Интэриниэт уонна социальнай ситимнэринэн оҕоҕо кырыктаахтык сыһыаннаһыыны көрдөрөр видео тарҕаныытын чахчытынан, оҕо быраабын уонна сокуоннай интэриэһин тутуһууну бэрэбиэркэлээтэ.
Борокуратуура быһаарбытынан, видеоҕа Уус Алдан улууһуттан төрүттээх, 1990 сыллаах төрүөх 2015, 2016 уонна 2021 сыллардаах кыра үс оҕолоох ийэ уһуллубут. Кинини көрдүүр-ирдиир тэрээһини ыытаннар, Дьокуускай куорат Октябрьскай уулуссатын биир дьиэтиттэн булбуттар, оҕолору ылан, социальнай тэрилтэлэргэ илдьибиттэр.
Борокуратуура бэрэбиэркэтин түмүгэр, оҕолор эрдэ 2022 с. ПДН иниспиэктэрин аактатыгар олоҕуран, ийэлэрэ арыгылаан итирик туруктаах сылдьан, оҕолорун сөптөөхтүк көрбөккө, реабилитационнай кииҥҥэ киирэ сылдьыбыттара, административнай эппиэтинэскэ тардыллыбыта биллибит.
Ол да үрдүнэн, дьахтар ПДН учуотугар ылыллыбатах, кинини кытары сэрэтэр үлэ ыытыллыбатах, реабилитационнай киин тэрийбит үлэтэ көдьүүһэ суоҕун көрдөрбүт.
Борокуратуура РФ ИДьМ «Дьокуускайдааҕы» муниципалитеттар икки ардыларынааҕы салалтатын начаалынньыгар уонна тустаах оҕо тэрилтэтин салайааччытыгар быһаарыы ылыналларыгар ирдэбил киллэрбит.
РФ Холуобунай кодексын 117 ыст. 2 ч. «г» п. Силиэстийэлиир уорганнар тэрийбит холуобунай дьыалаларын силиэстийэлээһин борокуратуура хонтуруолугар ылылынна.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…