Социальнай ситимҥэ кырыктаах ийэ уруок аахтарар саҥата киэҥник тарҕанна. Оҕо, быһата, иккис кылааска үөрэнэр. Английскайдыы сатаан аахпат. Ийэтэ ыгарыттан, үөҕэриттэн, саанарыттан бобулла-бобулла ытыыр…
Бу ынырык быдьар тыллаах аудио бүтүн өрөспүүбүлүкэни тилийэ көттө. Дьон санаата икки аҥы араҕыста. «Бу туох ынырык ийэтэй, оҕону өлөрбөтөҕүнэ, эчэтииһик», — диэбиттэр, оттон сорохтор «Ийэ тулуйарыттан ааспыт, оҕото күнү быһа төлөпүөҥҥэ сытара буолуо, үчүгэй олохтон дьахтар майгыта маннык алдьаммат», — диэн санааларын үллэстибиттэр. Ол эрээри, ханныгын да иһин оҕоҕо төрөппүтүттэн ураты чугас киһитэ суох. Маннык кырыктаах сыһыаҥҥа ситэ илик уйулҕалаах оҕо үөрэҕи ылынарынааҕар буолуох арааска тиксиэн сөп.
Биһиги СӨ оҕо быраабын көмүскүүр боломуочунайа Туйаара Валерьевна Васильеваҕа сибээскэ таҕыстыбыт:
— Билиҥҥи туругунан бу тарҕаммыт аудионан Ис дьыала министиэристибэтигэр сибээскэ тахсаммын, оҕоҕо кырыктаах сыһыаннаах ийэ кимин-тугун быһаарарга уонна бэрэбиэркэлиир туһунан туһаайыы оҥорбутум. Бэрэбиэркэ түмүгүнэн, балаһыанньа быһаарыллыбытын кэннэ, буруйданар сирэйгэ административнай миэрэ эбэтэр Холуобунай накаастабыл оҥоһуллуоҕа.
Билигин кирэдьииттэрин кэмигэр төлөөбөт, ону ааһан биир да харчыны төлөөбөт дьон бааллар. Суут бириистэптэрин Амма…
"Защитники Отечества" пуонда учуотугар өрөспүүбүлүкэ үрдүнэн 198 (байыаннай дьайыы кыттыылааҕа) инбэлиит турар. Сүрүн болҕомто тиэхиньиичэскэй…
Бэҕэһээ “Путь воина” байыаннай-тактическай күрэхтэһиилэр аһыллыылара буолбута. Бүгүн сарсыардаттан икки хамаанда – Саха сириттэн «Боотур»…
Дьокуускайга бэлисипиэтинэн үгүстүк оҕолор уонна эр дьон сылдьалларын көрөбүн. Бүгүн биир саастаах дьахтар бэлисипиэтинэн сылдьарын…
Бэҕэһээ Дьокуускай куорат үрдүнэн кыра көтөр аал төттөрү-таары эргийэн, үгүс киһини долгутта. Социальнай ситимнэринэн бу…
Суут бириистэптэрин управлениета иһитиннэрбитинэн, Уус Алдан улууһугар тэрилтэттэн 800 бытыылка арыгыны конфискациялаабыттар. Ол курдук мировой…