Кырыктаах ийэни холуонньаҕа ыыттылар

Кэбээйи улууһугар элбэх оҕолоох кырыктаах ийэ сууттанна. Бу туһунан СӨ Борокуратуурата иһитиннэрэр.

Дьахтар сааһын ситэ илик түөрт оҕолоох. Силиэстийэ быһаарбытынан, кини итирэн баран оҕотун саайбыт. Итиэннэ оҕолорун көрүүтэ-истиитэ суох хаалларар, аһаппат, дьиэҕэ атын дьону мунньан арыгылыыр эбит.

Кыра оҕо төрүөҕүттэн ыарыылааҕа биллибит. Ол төрүөтүнэн ийэ хат сылдьан харса суох табахтааһына уонна арыгылааһына буолар.

Дьахтары холуобунай кодекс 156 ыст. буруйдааҕынан билиммиттэр. Кинини төрөппүт быраабыттан быспыттар, 1,5 сылга уопсай эрэсиимнээх холуонньаҕа көҥүлүн быһарга бириигэбэрдээбиттэр. Бириигэбэр сокуоннай күүһүгэр киирэ илик. Буруйданааччыны суут саалатыттан илдьэ барбыттар.