Видеоттан скриншот.
Бу соторутааҕыта социальнай ситимҥэ оҕолорун быдьардык үөҕэр, уончалаах уолу муомахтыыр, охторон баран охсуолуур ийэ видеота киэҥник тарҕанна. Үс оҕолоох ийэ суумкатын хаһа туран туга эрэ сүппүтүн көрөн төрөппүт оҕолорун уорууга балыйар.
Ити тухары быдьардык маатыралыыр уонна сатаан көмүскэнэр кыаҕа суох уончалаах уолугар кыһыытын-абатын таһаарар. Кыптыый ылан оҕотун тарбахтарын быһаары дугдуруйар. Бу кырбыыр кэмигэр кыра уоллаах кыыс холкутук көрөн тураллар. Убайдара маннык таһылларын үгүстүк көрбүт буолуохтарын сөп. Ийэ төлөпүөнэ быһа эпииргэ холбоммутун көрбөккө сылдьар. Онтон дьэ өйдөөн төлөпүөнүн араарар.
32 саастаах ийэ Хатас олохтооҕо. Кини соҕотоҕун үс оҕону иитэр. Оҕотун кырбааһын сүрүн биричиинэтинэн харчы сүппүтэ буолар. Оттон быһа эпииргэ кинилэргэ ыалдьыттыы кэлбит дьүөгэтэ устубут. СК иһитиннэрбитинэн, оҕолор 2015, 2016, 2021 сыллаах төрүөхтэр. Социальнай ситимҥэ киэҥник тарҕаммытын кэнниттэн сааһын ситэ илик оҕолор дьыалаларынан дьарыктанар хамыыһыйа улахан уолу Өрөспүүбүлүкэтээҕи чөлгө түһэрэр социальнай кииҥҥэ киллэрбит. Оттон икки кыраны Өрөспүүбүлүкэтээҕи дьиэ кэргэҥҥэ оҕону иитиигэ көмөлөһөр кииҥҥэ илдьибиттэр. Оҕолору кытта уйулҕа үлэһиттэрэ үлэлиэхтэрэ.
Маннык быдьар тыллаах, оҕотун аһыммат, уйулҕа өттүнэн кэбирэтэр ийэ оҕолорун киһилии киһи гына иитиэн сөбө буолуо дуо?
Бүгүн, балаҕан ыйын 14 күнүгэр, Дьокуускайга "Эргэ куорат" оройуонугар «Якутск – исторический!» бэстибээл буолла. Тэрээһиҥҥэ…
Бүгүн 15:00 ч. дааннайынан, 30,37 % киһи куоластаата диэн СӨ Киин быыбардыыр хамыыһыйата иһитиннэрэр. Улуус…
Аллараа Халыма улууһун Колымскай сэлиэнньэтин (Халарчы нэһилиэгэ) 394 №-дээх быыбардыыр учаастагар алта оҕолоох ийэ, 2025…
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.