Бу сарсыарда Саха сирэ «Тымныы оройун» статуһун төттөрү ылла, Үөһээ Бүлүү улууһун Кырыкый нэһилиэгэр 80 кыраадыс тымныыга тиийиэхчэ тымныйда диэн сурах-садьык тарҕанна.
Соторутааҕыта Красноярскай кыраай Дьэһиэйигэр -73 кыраадыс түстэ диэн дойду үрдүнэн тарҕаммыта, инньэ гынан «тымныыбытын» былдьатыахча буоллубут.
Ол иһин төһө оруннаах сурах-садьык тарҕаммытын Кырыкый нэһилиэгин олохтоохторуттан чопчуластыбыт.
Зоя Харлампьева, нэһилиэк олохтооҕо:
— Бүгүн олус тымныы күн буолбут, ол гынан баран, чопчу хаһын этэр кыаҕым суох. Уруккуттан даҕаны биһиги нэһилиэкпит аномальнай температуралааҕынан биллэр, сайынын олус куйаас, кыһынын тымныы буолар. Баҕар, хоту Өлөөн диэки сытарынан буолуон сөп. Мин холобур, Накыыҥҥа үлэлии сырыттахпына, маннык кыраадыска тымныы диэччилэр, ол эрээри мин бэйэм тэҥнээн көрүүбүнэн, онно тыаллаах, аһаҕас сир буолан тымныы курдук, оттон манна «турар» тымныы буолар.
Сергей Сергеев, олохтоох дьаһалта баһылыга:
— Бүгүн, кырдьык, тымныйда. Ол гынан баран -80-ча буолбатах, таһырдьааҥҥы термометрдар нэһилиэк иһигэр -56-58 көрдөрөллөр. Ити биир термометр алҕас -80 кыраадыһы көрдөрөн аймалҕаны таһаарбыт, алдьаммыт быһыылаах. Кэнники сылларга -60-ҕа тиийэ тымныйааччы, ол гынан баран, оннук уһуннук турбат. Быйыл өр сылаас турда, дьэ бу тымныйан эрэр.
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…