Кырыкыйга — саҥа КСК, Маҥааска — оҕо уһуйаана

Михаил Никифоров эҕэрдэ тылыгар: «Өрөспүүбүлүкэҕэ кэлиҥҥи сылларга  саҥа оскуолалар, уһуйааннар, спортивнай комплекстар, биэлсэр-акушер пууннара уонна да атын эбийиэктэр тутуллаллара элбээтэ. Тыа сирин кэлимник сайыннарыы бырагыраама  нэһилиэнньэлээх пууннары сайыннарыыга улахан күүс-көмө буолар, — диэтэ.

Маҥааска оҕо уһуйаанын тутууга бүддьүөттэн 110,61 мөл. солк., ол иһигэр  федеральнай бүддьүөттэн  106,4 мөл. солк. көрүллүбүт.

Оттон Кырыкый КСК-та икки мэндиэмэннээх, уопсайа  760,34 кв м. иэннээх.  Тутууга бүддьүөттэн   89,71 мөл. солк. көрүллүбүт диэн Тыа хаһаайыстыбатын министиэристибэтин пресс-сулууспата иһитиннэрдэ.