Кырыыһаны көтүрэ сылдьан эчэйбит киһиэхэ быыһааччылар көмөлөстүлэр

Быыһыыр сулууспаҕа 01 нүөмэринэн кырыыһаны көтүрэ сылдьан эр киһи эчэйбитин туһунан иһитиннэрии киирбит.

Бу туһунан Саха сиринээҕи Быыһыыр сулууспатын пресс-сулууспата иһитиннэрэр. Кини үөһэттэн сууллан түһэн, хамсыыр да кыаҕа суох буолбут. Ыҥырыыга кэлбит «Суһал көмө» миэдиктэрэ эчэйбит киһини түһэрэр кыахтара суох буолан, быыһааччылары ыҥырбыттар.

Саха сиринээҕи Быыһыыр сулууспа быыһааччылара эр киһини наһыылкаҕа альпинистар быаларынан баайан, аллараа түһэрэн, «Суһал көмө» үлэһиттэригэр туттардылар.