Кыстатыам бибилэтиэкэтигэр — «Пушкин күнэ»

Кыстатыам бибилэтиэкэтигэр Александр Сергеевич Пушкин уонна нуучча тылын күнүгэр аналлаах «Пушкин күнэ» бэлиэтэннэ.

Тэрээһиҥҥэ «Эврика» сайыҥҥы лааҕыр оҕолоро (салайааччы Татьяна Валерьевна Корякина) уонна улахан дьон кыттыыны ыллылар. Нуучча тылын туһунан учуутал Варвара Ивановна Иванова кэпсээтэ. «Смерть поэта» М. Ю. Лермонтов хоһоонун дорҕоонноохтук аахпытын уратытык, улаханнык долгуйан олорон иһиттибит.
А.С.Пушкин күнүн бэлиэтээһин историятын, үгэһин туһунан бибилэтиэкэр Анна Николаевна Гоголева сырдатта. Болҕомтону тардар бэртээхэй кинигэ быыстапката буолла. Манна киһини сэҥээрдэр олус үчүгэй сиһилии ырытыыны оҥордо. Оҕолор улуу бэйиэт хоһооннорун өйтөн аахтылар уонна А.С. Пушкин айымньыларынан олус астынан туран уруһуйдаатылар. Өссө да нэдиэлэ устата нэһилиэккэ тэрээһиннэр ыытыллаллара былааннанар.

Анна Гоголева,

Кыстатыам, Эдьигээн.

Хаартыска:  Анна Гоголева тиксэриитэ