Хаартыскаларга Надежда Егорова түһэриитэ
Кыстатыам — Эдьигээн улууһун саамай ыраах сытар эбэҥки национальнай нэһилиэгэ. 400-тэн тахса нэһилиэнньэлээх Кыстатыам улуус кииниттэн 90 килэмиэтир ыраах сытар. Манна таба иитиитинэн, балыктааһынынан уонна булдунан дьарыктаналлар.
Олунньу 16 күнүгэр Кыстатыам олохтоохторо СӨ Ситэриилээх былааһын отчуотун оробуочай бөлөҕүн былырыын эрэ үлэҕэ киирбит саҥа таас уһуйаан-оскуолаҕа үөрэ-көтө көрүстүлэр. Саҥа дьиэни көрөн-истэн баран, бырабыыталыстыба отчуотун бырабыыталыстыба бэрэссэдээтэлин бастакы солбуйааччы Дмитрий Садовников оҥордо.
Отчуоту истэн баран, боппуруостары биэрии саҕаланна. Былырыыҥҥы отчуокка «Кулибин» теплоход сырыыта аҕыйаабытын, билиэт сыаната ыараабытын туһунан эппит буоллахтарына, ити кыһалҕа быйыл да таарылынна. Күүстээх тыал түстэҕинэ киһи мотуорканан да кыайан тиийбэтин, теплоход арыый чугаһыыра кыаллыа дуо диэн ыйыттылар. Таба иитиитинэн дьарыктанар дьон таба ахсаанын олус хойут ааҕаллара табыгаһа суоҕун эттилэр уонна алтынньыга ааҕар сөптөөҕүн туһунан иһитиннэрдилэр. Быйыл тэриллибитэ 70 сылын бэлиэтиир нэһилиэккэ саҥа кулууп эбэтэр успуорт ааркалаах эбийиэги тутууну туруорустулар уонна «Култуура» национальнай бырайыагынан тутуллуо этэ дуо диэн кулууп дириэктэрэ ыйытта. Оскуола-уһуйаан дириэктэрэ оскуоланы сылытыы уунан эрэ хааччылларын ыйан туран, өрүскэ диэри уу ситимэ тардыллара наадатын ыйда.
Дмитрий Садовников тугу да эрэннэрэ охсубакка, боппуруоһу боротокуолга киллэрэргэ эттэ. Оскуола-уһуйаан үлэһитэ Дьокуускай куораттан быраастар мобильнай биригээдэлэрин үлэлэригэр махталын тириэрдэргэ көрдөстө. Онтон улуус баһылыга Василий Сорокин өссө да быраастар Арктика улуустарыгар кэлиэхтээхтэрин санатан туран, мэдиссиинэ чинчийиилэригэр, диспансеризацияҕа көхтөөхтүк кытталларыгар ыҥырда. Кыстатыам олохтоохторо бырабыыталыстыба отчуотун биһирээбиттэрин биллэрдилэр.
Дьокуускайга ахсынньы 9 күнүгэр "Арассыыйа -- мин устуоруйам" пааркаҕа Аҕа дойду Дьоруойдарын чиэстээтилэр. Бу суолталаах…
2024 сылга «Полярные авиалинии» авиахампаанньа Маҕаннааҕы авиационнай-техническэй баазатын авиатехнига Арассыыйа Федерациятын Оборуонаҕа министиэристибэтин кытта хантараак…
Саха сирэ "Бессмертный полк России" Бүтүн Арассыыйатааҕы хамсааһын пуорумугар "Прорыв года" диэн номинацияҕа кыайыылаах таҕыста.…
Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…
Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…
Ньурба улууһун 42 саастаах олохтооҕо ГАИ үлэһитин үөхпүт. Бу туһунан дьуһуурунай борокуруор иһитиннэрэр. Саха сиригэр…