Кыстыгы этэҥҥэ туоруур туһугар

Кыстыкка киирии чугаһаан, от үлэтин кэмигэр үмүрүтэр сорук турар. Балаҕан ыйын 16 күнүнээҕи туругунан араас көрүҥнээх хаһаайыстыбалар 399092 туонна оту кэбистилэр. Онон отчуттар былаантан 92 бырыһыанын толордулар.

Нам (105 %), Уус Алдан (104 %), Хаҥалас (101 %) улуустара ылыммыт соруктарын аһары толордулар. Абый, Ньурба, Кэбээйи былааннарын сүүс бырыһыан толорбуттар ахсааннарыгар киирдилэр.

Бүлүү, Үөһээ Бүлүү, Ленскэй, Мэҥэ Хаҥалас, Мииринэй, Сунтаар көрдөрүүлэрэ үчүгэй. Оттооһун былаанын толоруу улахан сыраттан тахсар. Онон былааннарын толорбут улуустар кыстыгы этэҥҥэ туоруурга эрэллээх буоллулар.