Хаартыска: Ил Дархан пресс-сулууспата
«Майя» уонна «Томмот» эбилик ыстаансыйалар өрөмүөннэрэ алтынньы бүтүүтэ түмүктэниэҕэ.
Былырыын кыһын “Майя” уонна “Томмот” эбилик ыстаансыйаларга саахал тахсыбыта. Бу эбийиэктэри саҥардыы үлэтигэр 2 миллиард солкуобай кэриҥэ үп көрүллүбүтэ.
Ил Дархан Айсен Николаев эбилик ыстаансыйалары алтынньы ый бүтүүтэ үлэлэтэр соругу туруорда.
«Саха сиригэр энергетика эрэллээхтик үлэлиирэ – ордук кыһыҥҥы кэмҥэ олох уонна өлүү боппуруоһа. Намыһах уонна үрдүк тыҥааһыннаах уот ситимнэригэр саахал элбэхтик тахсара барыбытын долгутар”, — диэн Ил Дархан былырыын “Майя” уонна «Томмот» эбилик ыстаансыйаларга буолбут саахал туһунан бүгүҥҥү быһа эпииргэ санатта. — Бу эбилик ыстаансыйалары 2018 сыллаахха “Россети” хампаанньа үлэҕэ киллэрбитэ. Ростехнадзор кыттыгастаах чинчийии кэнниттэн биллибитинэн, алҕастар эбийиэктэри сыыһа бырайыактааһыны кытары сибээстээхтэрэ”.
Ил Дархан бэлиэтээн эппитинэн, өрөспүүбүлүкэҕэ уот ситимигэр уонна олорор дьиэ-уот, коммунальнай хаһаайыстыбаҕа өрөмүөн үлэлэрэ бары кэмигэр толорулуннулар.
«Кыстыкка 100 бырыһыан бэлэми хааччыйыы соруга туруорулунна. Билигин үлэ 70-75% толорулунна. Графиктан улахан хаалыы суох, ол да буоллар, муниципальнай тэриллиилэргэ араас боппуруостар үөскүүллэр. Холобур, Тиксиигэ уонна Дьокуускайга үөскээбит кыһалҕалар. Билигин да бириэмэ баар. Коммунальнай хаһаайыстыба үлэһиттэрэ уонна энергетиктэр үлэ барыта кэмигэр ситэриллэригэр уонна кыстык кэмигэр бэлэм буолуу паспорын өрөспүүбүлүкэ болдьоҕор ыларын эрэннэрэллэр”, — диэтэ Айсен Николаев.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…