«Чанъэ-6» Ыйтан көтөн эрэр хаартыската: CNSA / Xinhua.
Бэс ыйын 4 күнүгэр «Чанъэ-6» диэн кытай зонда Ыйга тиийэн, Сиргэ көстүбэт кэтэх өттүттэн буору хомуйда. Хомуллубут буор, таас састаабын учуонайдар үөрэтиэхтэрэ.
«Чанъэ-6» зонд ыам ыйын 3 күнүгэр көппүтэ. Кини Ый соҕурууҥҥу полюһун диэки түспүт. Былааннаммыт соруктарын барытын ситиспит. Ыйга түһэн баран, 6 мүнүүтэ устата буор, таас боруобаларын хомуйан баран, сабыылаах контейнердарга уган, зонд иһигэр киллэрбит. Бэл, видеоҕа устубут.
Кытай аппараата бэркэ үлэлээбит: кыраадыс күүскэ түһэрин-тахсарын, кытаанах дабылыанньаны тулуйбут, уота-күөһэ, иитиитэ да сөпкө тиийбит. Кытай учуонайдара этэллэринэн, Ый буорун, тааһын састаабын үөрэтэн, Күн систиэмэтэ, планеталар хайдах үөскээбиттэрин салгыы чинчийиэхтэрэ.
Манна даҕатан эттэххэ, биһиги Ый биир эрэ өттүн көрөбүт. Ый анараа өттө үчүгэйдик үөрэтиллэ илик этэ. 1959 сыллаахха аан бастаан хаартыскаҕа түһэрбиттэрэ. Анараа өттүгэр күлүк буолбатах, Күн син биир сырдатар эрээри, Сир диэки наар биир өттүнэн хайыһа сылдьар, ол иһин кэтэх өттүн биһиги көрбөппүт.
Ый көстүбэт өттүгэр 2 улахан «муора» баар — Мечта уонна Москва диэн ааттаахтар. Элбэх кратер уонна кратер ситимэ баар. Саамай улахан кратер — Эткей соҕурууҥу полюска баар. Кытай зонда бу кратерга сылдьыбыт.
2019 сыллаахха «Чанъэ-4» кытай ыстаансыйата Ый анараа өттүгэр тиийэ сылдьыбыта уонна элбэхтик хаартыскаҕа түһэрбитэ. Ол түмүгэр килиимэккэ, география, геология өттүгэр арыйыылары оҥорбуттара.
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…