Хаартыска ТАСС
Бэҕэһээ, кулун тутар 20 күнүгэр, Кытай Народнай Өрөспүүбүлүкэтин бэрэссэдээтэлэ Си Цзиньпин Арассыыйаҕа кэллэ. Си Цзиньпин быйыл кулун тутарга үһүс төгүлүн Кытай салайааччытынан талыллыбыта. Быыбарын кэнниттэн тас дойдуларга бастакы командировкатын Москваҕа анаата.
Си Цзиньпин Москваҕа кулун тутар 20-22 күннэригэр үлэлиэхтээх. Кытай бэрэссэдээтэлэ бэҕэһээ “Внуково” аэропортка күнүс биир чааска көтөн кэлбитэ. Кинини РФ бырабыыталыстыбатын вице-премьерэ Дмитрий Чернышенко, Тас дойдулар дьыалаларыгар миниистири солбуйааччы Андрей Руденко, Кытайга Арассыыйа посола Игорь Моргулов көрүстүлэр.
Бэҕэһээ РФ бэрэсидьиэнэ Владимир Путины кытары көрсөн кэпсэттэ. Дойду лидердэрэ түөрт аҥаар чаас кэриҥэ кэпсэттилэр. Санатан эттэххэ, бу икки дойдулар лидердэрэ былырыын иккитэ көрсө сылдьыбыттара. Олунньуга Владимир Владимирович Кытай Народнай Өрөспүүбүлүкэтин премьер-миниистирэ Си Цзиньпин ыҥырыытынан Пекин куоракка тиийэ сылдьыбыта. Икки дойдулар сайдыыларын туһунан кэпсэтиини таһынан кини кыһыҥҥы олимпиада аһыллыытыгар кыттыбыта. Бу көрсүһүү кэмигэр Уһук Илин эрэгийиэннэртэн тардыллыбыт гаас ситиминэн Кытайга сылга 10 млрд куб м күөх төлөнү тиэрдии туһунан дуогабар баттаныллыбыта. Иккиһин балаҕан ыйыгар Шанхайдааҕы саммит кэмигэр көрсүбүттэрэ. Манна кинилэр экэниэмикэ, үп-харчы боппуруостарын, табаары эргинии туһунан кэпсэппиттэрэ.
Бүгүн РФ бырабыыталыстыбатын Михаил Мишустины кытары көрсүһүү буолуохтаах. Ону таһынан икки дойду лидердэрэ РФ бырабыыталыстыбатын кытары туспа мунньахтыахтара, туһааннаах докумуоннарга илии баттаһыахтара.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…