Хаартыска: ХИФУ пресс-сулууспата.
Маны тэҥэ, инженердэр массыына двигателин, «коробка передач», электроннай прибордары дагностикалаатылар. Тургутуу ситиһиилээхтик ааспытын бэлиэтээтилэр. Бу бырайыак салайааччыта Сюй Бин этэринэн, массыыналары өссө тупсаран оҥорорго сыаналаах эспэримиэни ыыппыттар. JAC RF8 массыынаны быйыл ахсынньы ыйга таһаарар былааннаахтар. Сюй Бин ХИФУ салалтатыгар көмөлөрүн иһин махтанна уонна салгыы бииргэ үлэлэһэргэ бэлэмнээхтэрин биллэрдэ.
ХИФУ ректора Анатолий Николаев:
— Ханнык баҕарар омук тиэхиникэтигэр Саха сирин тымныыта улахан тургутуу буолар. Кытай массыыналара биһиги эрэгийиэммитигэр номнуо бааллар уонна нэһилиэнньэ биһириирин биллэрэр. ХИФУ полигонун эрэ биэрэр буолбатах, тургутууну ыытарга бары усулуобуйаны толорууну хааччыйар, бары түһүмэхтэргэ кыттар.
Тохсунньуга, -50 кыраадыстаах тымныылар кэмнэригэр, бу үс массыына түүнү быһа таһырдьа туран баран, туох да кыһалҕата суох собуоттаммыттара. Онон бу тиэхиньикэ улахан тымныыга бэлэм эбит диэн түмүккэ кэллибит. Ол да үрдүнэн, кытай оҥорон таһаарааччылара өссө тупсарарга үлэлииллэр, — диэн эттэ.
ХИФУ технологическай полигона 2017 сылтан үлэлиир. Манна элбэх омук хампаанньалара кэлэн, тиэхиньикэлэрэ тымныыны хайдах тулуйалларын тургуталлар. Аан дойду үрдүнэн өр кэмнээх, улахан тымныы Саха сиригэр эрэ баар, онон омук хампаанньаларын өттүттэн интэриэс улахан. Сотору кэминэн тымныыбытын атыылыыр буолуохпут.
Нерюнгри оройуонугар быйыл 1,2 мөл. туонна тимир руда хостоноро былааннанар. Өрөспүүбүлүкэ бырамыысыланнаһын уонна геологиятын…
Өрөспүүбүлүкэ борокуруора Сергей Дябкин сорудаҕынан ыытыллыбыт бэрэбиэркэ түмүгүнэн, 2026 сыл тохсунньу 20 күнүгэр икки оҕо,…
«Ымсыыбыттан буолбакка, дьиэбэр айаннаары гыммытым» диэн холуочук сылдьан массыына уоран баран, айаннаан иһэн алдьаппыт кыыс…
Саха сиригэр 642 киһи байыаннай сулууспалаах эмтэнэр сиригэр тиийэргэ материальнай көмөнөн туһанна. Бу туһунан СӨ…
Билигин "О страховых пенсиях" сокуон быһыытынан, Саха сиригэр олорор, 1 оҕолоох дьахтар төһө да ыстаастаах буоллун,…
Уус Алдан Кэптэнитэ былыр былыргыттан күүстээхтэринэн биллибит дьонноох-сэргэлээх, туохтан да толлубатах хорсун буойуттардаах, албан аатырбыт…