Кытай массыынатын саппаас чааһын сыаната үрдээбит

Кытай мааркалаах массыыналар оригинальнай саппаас чаастарын сыаната быйыл муус устар ыйыгар эмискэ үрдээбитэ быһаарылынна. Сыана ортотунан 2,1% үрдээбит.

Национальнай бырамыысыланнай ааҕыныстыбатын ырыынагы ырытыытын түмүгүнэн сыана араас саппаас чааска үрдээбитин бэлиэтээтэ: кэнники фааралар- 8 %-нан, инники фааралар — 5,5%, радиатор решетката — 6,3% үрдээбит. Мантан ордук бампердар уонна көлөһө дискаларын сыаната эбиллибит.

Оттон массыына аанын, кузов элэмиэннэрин сыаната 1-1,5%-нан халбаҥнааһына суох хаалбыт. Итинэн сибээстээн, Кытай тырааныспарын хаһаайыттарыгар иккис ырыынакка эбии ноҕоруусканы үөскэтэрэ учуоттанна. Эспиэрдэр сыанан үрдээһинин валюта кууруһа уларыйыытынан уонна логистика уустугунан сибээстииллэр. Саппаас чаас сыаната үрдээһинэ инникитин ОСАГО полистарын сыаната үрдүүрүгэр уонна Кытай массыыналарын атыылаһыыта намтыырыгар тиэрдиэн сөп.