Хаартыска kremlin.ru сайтыттан
РФ Бэрэсидьиэнин пресс-сулууспата иһитиннэрбитинэн, кулун тутар 20—22 күннэригэр Москваҕа Кытай Норуодунай Өрөспүүбүлүкэтин премьер-миниистирэ Си Цзиньпин кэлэрэ былааннанар. Владимир Путин уонна Си Цзиньпин тирээн турар боппуруостарга мунньах ыытыахтара.
“Көрсүһүү кэмигэр Арассыыйа уонна Кытай бииргэ үлэлээһиннэригэр тирээн турар боппуруостар көрүллүөхтэрэ, сайдыы хайысхата торумнаныаҕа. Ону таһынан аан дойдуга бу икки дойдулар сабыдыалларын туһунан кэпсэтии барыаҕа, туһааннаах докумуоннарга илии баттаһыыта буолуоҕа”, — диэн суруллар РФ Бэрэсидьиэнин сайтыгар.
Санатан эттэххэ, Владимир Путин былырыын олунньуга Кытайга XXIV кыһыҥҥы Олимпиадаҕа бара сылдьан Си Цзиньпины кытары көрсүбүтэ, ону таһынан бу икки дойду лидердэрэ эмиэ былырыын балаҕан ыйыгар Узбекистаҥҥа буолбут Шанхайдааҕы саммит кэмигэр сирэй көрсөн кэпсэппиттэрэ. Ахсынньыга Владимир Владимирович КНӨ премьер-миниистирин Москваҕа ыҥырбыта. Си Цзиньпин Кытай Коммунистическай партиятын генеральнай сэкирэтээринэн 2012 сылтан, премьер-миниистиринэн 2013 сылтан талыллан үлэлиир. Бу кулун тутарга кини үһүс төгүлүн дойду салайааччытынан талылынна. Онон Си Цзиньпин быыбарын кэнниттэн судаарыстыба таһымнаах бастакы командировкатын Арассыыйаҕа анаабыта ураты суолталаах.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…