Хаартыска sakha.gov.ru ылылынна
Национальнай бибилэтиэкэҕэ Арассыыйа-Кытай дипломатическай сыһыаннара олохтоммута 75 сылынан, Арассыыйаҕа «Арассыыйа-Кытай 2024-2025 сылларга» иитинэн, «Кытай-Саха сирэ: норуоттар доҕордоһуулара» быыстапка саҕаланна.
—-Саха сирэ уонна Кытай провинциятын кытары сыһыан сыл ахсын бөҕөргөөн, кэҥээн иһэр. 2023 сыл түмүгүнэн Кытай Саха сирин тас эргиэҥҥэ бөдөҥ партнерунан буолла. Саха сирэ бүгүн Арассыыйа уонна Кытай икки ардыларыгар эргиэн-экэнэмиичэскэй бииргэ үлэлээһиннэрин бөҕөргөтүүгэ улахан суолталаах«, — диэн виртуальнай быыстапканы тэрийээччилэр бэлиэтээтилэр.
Экспозиция Саха сирэ уонна Кытай стратегическай бииргэ үлэлээһиннэрин сайдыытын устуоруйатыгар ананна. Хардарыта сибээстээх барыстаах бииргэ үлэлээһин түһүмэхтэрин көрдөрөр, ол иһигэр Ил Дархан Айсен Николаев Кытайга РФ Бэрэсидьиэнэ В.Путин салайааччылаах Арассыыйа официальнай дэлэгээссийэтин састаабыгар киирэн сылдьыытын түмүктэрэ, 2023 сыллаахха «Якутия и провинции Китая: побратимские связи ради укрепления российско-китайских отношений» норуоттар икки ардыларынааҕы пуорум, араас сылларга ыытыллыбыт Арассыыйа-Кытай ЭКСПО, ньиэп-гаас, Арктика айылҕатын харыстааһын, атыы-эргиэн салааларыгар холбоһуктаах бырайыактар бааллар. Быыстапкаҕа «Сибиир күүһэ» магистральнай гаас ситимин тутууну олоххо киллэриигэ ураты болҕомто уурулунна.
—Саха сиригэр Кытай предпринимателлэрин кытары холбоһуктаах ситиһиилээх бырайыактар бааллар. Ол курдук, Нерюнгри улууһугар Кытай AVIC корпорация уонна «Колмар» чох бырамыысыланнаһын хампаанньата икки ГОК инфраструктуратын тэрийбиттэрэ, — диэн бэлиэтиир виртуальнай быыстапка оҥорооччу Анна Павлова.
Маны таһынан, КНР туһунан ыйынньыктар, кинигэлэр электроннай каталогтара, видеоматырыйааллар бааллар.
«Кытай-Саха сирэ: норуоттар доҕордоһуулара» виртуальнайнь быыстапканы: https://old.nlrs.ru/exhibitions/china-sakha киирэн көрүөххэ сөп.
Санатан эттэххэ, бу күннэргэ Саха сиригэр КНР Хэйлунцзян провинциятын Цзямусы куоратыттан дэлэгээссийэ кэлэ сылдьар.
Цзямусы уонна Ньурба улууһун кытта 2009 сыллаахха доҕордуу сыһыан олохтоммута, тыа хаһаайыстыбатыгар, каадырдары бэлэмнээһин боппуруостарыгар хардарыта сибээһи тутан үлэлэһэллэр,
СӨ Ил Дарханын уонна Бырабыыталыстыбатын пресс-сулууспата
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…