Хаартыска уонна видео: "Анаабыр уоттара" хаһыат телеграм-ханаалыттан.
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ.
Кытайдар сүрүн соруктарынан Анаабыр улууһун саамай кырыы сиригэр, Дракон төбөтүгэр — Пакс Тумулугар тиийэн сүгүрүйүү. Оччоҕуна кинилэргэ баай-дуол, дьол-соргу тосхойор эбит.
Туристар эрдэттэн Саха сирин бырабыыталыстыбатын, урбаан уонна туризм министиэристибэтин, Нуучча географическай уопсастыбатын кытта сибээстэһэн кэлбит буолан, аара баран иһэн таарыйбыт улуустарыттан тустаах өйөбүлү ылбыттар. Аара айаннаан иһэн массыыналарыгар табыллыбакка, араас моһолго түбэһэн ыллылар. «Массыыналарбыт Саха сирин кыһыныгар эппиэттээбэттэр эбит, ону болҕомтоҕо ылыыһыбыт» диэн туристар тохтообут сирдэрин аайы кэпсээбиттэр. Кэлин саха абыычайын — сирдэрин аһата сылдьар буолуохтарыттан, уустук айаннара табыллан барбыт. Туристар өссө «Катюша» уонна «Подмосковные вечера» ырыалары ыллыы сылдьаллара айаннарыгар эмиэ көмөлөспүт курдук. Анаабыр улууһугар Сааскылаахха уонна Үрүҥ Хайаҕа тиийэн бибилэтиэкэҕэ, түмэлгэ, ускуустуба оскуолатыгар сылдьан долган, эбэҥки уонна саха омуктарын култууратын, үгэстэрин, уус-уран оҥоһуктарын кытта билсэн, олохтоохтор талааннарыттан олуһун сөхтүлэр, үгүһү биллилэр-көрдүлэр.
Бу туһунан «Анаабыр уоттара» хаһыат бэйэтин телеграм-ханаалыгар сиһилии сырдатта.
2026 сыл олунньутугар сорох категорияҕа киирэр биэнсийэлээхтэр биэнсийэлэрэ үрдүүрэ күүтүллэр. Сорох дьоҥҥо биэнсийэ улаатыыта 29%…
Бүгүн таҥха саха итэҕэлэ дуу, атын омук үгэһэ дуу диэн үөрэтэ, мөккүһэ барбакка, таҥхаҕа сыһыаннаах…
...Болдьоспут чааспытыгар Дьокуускай куорат 203-с түөлбэ биир дьиэтин аттыгар Николай Софронеевтыын көрүстүбүт. Сыалым-соругум - өрүс ойбонугар сөтүөлээһини сырдатыы. Сэһэргэһээччим бэрт сылаастык үллүнэн…
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Тохсунньу тоһуттар тымныытыгар табаһыттар хайдах үлэлииллэрэ буолла диэн киһи хайдах эрэ чаҕыйа саныыр. Ол эрээри, үлэ-хамнас сөпкө тэриллибит, үчүгэй салайааччылаах хаһаайыстыбалар саҥа 2026 сылга этэҥҥэ үктэннилэр. Эбээн Бытантай улууһугар “Кочевник” көс аҕа ууһун общината 2009 с. тэриллэн үлэлиэҕиттэн, үгүс эдэр дьону табаһыт уустук идэтигэр уһуйда.…