Хаартыскаҕа ааптар түһэриитэ
Килиимэт уларыйыытыгар уонна ирбэт тоҥу харыстааһыҥҥа анаммыт научнай практическай кэмпириэнсийэҕэ наука бэрэстэбиитэллэрин тэҥэ, бырамыысыланнас уонна урбаан эйгэтин дьоно көхтөөх кыттыыны ылаллар.
Омук сирин урбаанын бэрэстэбиитэлэ, Кытайтан кэлбит «XY Investment Group» хампаанньа генеральнай дириэктэрин солбуйааччы Цзяо Цзянь этэринэн, кинилэр хампаанньалара тулалыыр эйгэ уларыйыытыгар улахан болҕомтону уурар:
— Биһиги инвестиционнай хампаанньабыт олох элбэх эйгэтигэр интэриэстээх. Элбэх тутуулары ыытабыт, ол иһигэр дойдубутугар билигин хас даҕаны ТЭЦ тута сылдььабыт, онон “Сила Сибири” ситим тардыллыбыт сиригэр, Арассыыйаҕа ыкса сибээс олохтуур былаанаахпыт. Ону таһынан тыал күүһүнэн үлэлиир ыстаансыйалары тутууга үлэлэһэбит. Эһиги дойдугутугар бу хайысхаҕа улахан интэриэс баарын билэбин. Арассыыйаны кытта үлэлэһэргэ киэҥ далааһыннаах хайысхалар бааллар. Холобур, билигин Кытайга икки научнай-чинчийэр институт тута сылдьабыт, биирдэригэр эмтээх үүнээйилэри чинчийэн, эмп оҥоруутун сайыннарыахпыт. Бу үлэҕэ Арассыыйаны кытта үлэлэһэр санаалаахпыт.
Кэмпириэнсийэ сорудахтарын уонна Кытай бу кыһалҕаҕа сыһыанын туһунан Цзяо Цзянь бу курдук хоруйдаата:
— Криолитозона ууллуута биир дойду кыһалҕата буолбатах, киһи-аймах барыбыт кыһалҕабыт. Биһиги биир кыракый планетаҕа олоробут, килиимэт уларыйыыта биир сиргэ эрэ буолбат, барыбытын таарыйар. Бу биир норуот эрэ быһаарыахтаах кыһалҕата буолбатах, бары норуоттар көмөлөөн кыайыах тустаахпыт. Онон Кытай Норуодунай Өрөспүүбүлүкэтэ ирбэт тоҥу чинчийиигэ бэйэтин кылаатын эмиэ киллэрэр.
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…